18-ші тур аңдатпасы: Алматыдағы шиеленістер
1-2 тамыз күндері 1XBET QFL Бірінші лигасының 18-ші турында Алматы қаласында екі бірдей өте қызықты ойын өтеді.
1 тамыз
«Алтай» - SD Family
Уақыты: 17:00
Тікелей эфир: Q League телеарнасы, Q Football мобильді қосымшасы, QFootball.kz пен QFL.KZ сайттары
Өтетін жері: «Восток» (Өскемен)
Төрешілер: Сейдахметов Жақсылық (Талдықорған), Сайдуллаев Мансұр (Қарағанды), Ходотчук Андрей (Павлодар)
Қосалқы төреші: Мейірбаев Асылан (Өскемен)
Инспектор: Камчатный Геннадий (Алматы)
Алғашқы айналымда SD Family айқын фаворит ретінде саналып, «Алтайды» қиналмай жеңеді деп еді. Бірақ өскемендіктер күтпеген жерден қарсылық танытып, түздегі кездесуде бірінші рет 3 ұпай алған болатын. Ал осы аптадағы матчта алаң иелері жеңіске жетсе, астаналықтарды басып озады. Трансфер кезінде қорғанысын бекітуге тырысқанымен, SD Family әлі де көп гол жіберуде. Өткен турдағы ірі жеңілістен олар сабақ шығара ма екен? «Алтай» әзірше өз алаңында тек қана «Ақтөбе Ж» командасынан басым түскен.
«Қайрат-Жастар» - «Жетісай»
Уақыты: 17:00
Тікелей эфир: Q Football телеарнасы, Q Football мобильді қосымшасы, QFootball.kz пен QFL.KZ сайттары
Өтетін жері: Тимур Сегізбаев атындағы академия стадионы (Алматы қ.)
Төрешілер: Вишняков Дмитрий (Семей), Мортин Никита (Ақтөбе), Қадыров Жалғас (Өскемен)
Қосалқы төреші: Сәрсенбаев Нұрлан (Алматы)
Инспектор: Ходин Анатолий (Атырау)
Турнир кестесінде қатар тұрған ұжымдар жеңіс үшін бар күшін салады. «Қайрат-Жастар» бірінші айналымдағы ірі жеңілістің кездейсоқ екенін дәлелдеуі тиіс. Оның үстіне алматылықтар өз алаңында матч қатарынан қарсыластарына мүлдем ұпай бермеді. Трансфер кезінде біршама талантты ойыншылары кеткенімен, алаң иелері әлі де күш көрсетуге қауқарлы. Ал түзде 3 ойын қатарынан тең түскен «Жетісай» футболшылары тағы да ұпай жоғалтса, екінші орыннан айырылып қалуы мүмкін.
«Тараз» - «Қайсар Жас»
Уақыты: 19:00
Тікелей эфир: Q Football телеарнасы, Q Football мобильді қосымшасы, QFootball.kz пен QFL.KZ сайттары
Өтетін жері: Орталық стадион (Тараз қ.)
Төрешілер: Халилов Мұрадбек, Ташметов Сардар, Ідрісова Динара (бәрі Шымкент)
Қосалқы төреші: Нурдинов Рамазан (Тараз)
Инспектор: Хуснутдинов Рашит (Орал)
Осы маусымда «Тараз» клубы ғана Қызылордада «Қайсар Жас» ұжымынан 3 ұпай алып кетті. Енді өз жанкүйерлерінің алдында тағы да жеңіске жетуі тиіс. Себебі, жамбылдықтар 1 айдан бері әлі өз стадионында 3 ұпай алмады. Оның үстіне қызылордалықтар сыртта жеңіске жетпеген санаулы клубтардың қатарында тұр және ең көп 25 гол жіберген. Алайда қонақтар бұл ойынға 3 жеңіліссіз сериямен келеді.
2 тамыз
«Арыс» - «Түркістан»
Уақыты: 17:00
Тікелей эфир: Q Football телеарнасы, Q Football мобильді қосымшасы, QFootball.kz пен QFL.KZ сайттары
Өтетін жері: Орталық стадион (Арыс қ.)
Төрешілер: Жарылқасынов Самат (Шымкент), Жалғас Кенжебек, Таңыбергенұлы Нұрсат (екеуі де Қызылорда)
Қосалқы төреші: Мұсалы Сейітмағзұм (Түркістан обл.)
Инспектор: Қошкаров Серік (Тараз)
Қос клубтың да жағдай мәз емес. «Арыс» 9 матч бойы жеңілістен көз ашпаса, «Түркістан» 2 айдан астам уақыт жеңіске жетпеді. Бір қызығы, «Түркістан» клубы ең соңғы рет 24 мамыр күні дәл осы «Арыс» клубынан басым түскен. Енді «Арыс» клубы сол жеңіліске лайықты жауап қайтарар ма екен? Өйткені алаң иелері жеңіске жетсе, ұшу аймағынан алыстап қана қоймай, 12-ші орындағы «Түркістаннан» басып озбақ.
«Ақтөбе Ж» - «Екібастұз»
Уақыты: 17:00
Тікелей эфир: Q Arena телеарнасы, Q Football мобильді қосымшасы, QFootball.kz пен QFL.KZ сайттары
Өтетін жері: ОМБЖОРСМ стадионы (Ақтөбе қ.)
Төрешілер: Сержанұлы Біржан (Алматы), Волков Артем, Быков Антон (екеуі де Атырау)
Қосалқы төреші: Суликанов Саят (Ақтөбе)
Инспектор: Сереков Асқар (Қызылорда)
Шілде айын өте сәтті аяқтаған «Екібастұз» клубы қайта жоғары топтағы командаларды қуып жетті. Трансфер кезінде құрамды күшейткен қонақтар енді ұпайдан шашау шығармауы тиіс. Бұл ойында жеңіске жету үшін, «Екібастұздың» қай жағынан алса да, қарсыласынан басым болып тұр. Бірақ 2023 жылғы матчтың 2:2 есебімен аяқталғанын да қаперде ұстайық.
«Оқжетпес» - «Ақжайық»
Уақыты: 17:00
Тікелей эфир: Q Football телеарнасы, Q Football мобильді қосымшасы, QFootball.kz пен QFL.KZ сайттары
Өтетін жері: «Оқжетпес» стадионы (Көкшетау)
Төрешілер: Никлевич Владимир, Тұрғынбеков Райымбек, Герасимова Оксана (бәрі Петропавл)
Қосалқы төреші: Кучма Антон (Көкшетау)
Инспектор: Попов Андрей (Павлодар)
17-ші тур «Оқжетпес» үшін жақсы мүмкіндік. Себебі, осы аптада артынан қуып келе жатқан ұжымдар өзара кездеседі. Сондықтан, «Оқжетпес» клубына өз алаңында қателікке жол бермеуі керек. Алаң иелері айқын фаворит саналса да, шілде айында қарсыластарын састырған «Ақжайық» ұжымын алдын-ала есептен шығармауға тиіспіз. Қонақтардың тағы бір қауіпті тұсы – өткен аптада жоғары дивизиондағы «Қызылжар» клубын жеңіп кеткен еді.
«Хан Тәңірі» - «Ұлытау»
Уақыты: 19:00
Тікелей эфир: Q Arena телеарнасы, Q Football мобильді қосымшасы, QFootball.kz пен QFL.KZ сайттары
Өтетін жері: «Хан Тәңірі» стадионы (Алматы қ.)
Төрешілер: Измайлов Денис, Стасенко Виктор, Бектұров Әлібек (бәрі Талдықорған)
Қосалқы төреші: Арынханов Нұрдәулет (Алматы)
Инспектор: Дүйсенов Абай (Түркістан)
Осы турдағы орталық ойын. Амбициясы жоғары клубтардың арасын 5 қана ұпай бөліп тұр. Бірінші айналымда «Хан-Тәңірі» жезқазғандықтардың жеңіс сериясын тоқтатқан еді. Енді «Ұлытау» лайықты жауап беруге тырысады. Себебі, бұл матчтағы жеңіліс қонақтардың басты мақсаты – Жоғары дивизионға шығу идеясынан алыстатуы әбден мүмкін. Ал «Хан-Тәңірі» командасының жеңсе, қарсыластардан ұзап кетуге жақсы сәт туындамақ.
