«Қайрат» OLIMPBET QFL Премьер-лигасында чемпион атанды

«Қайрат» клубы OLIMPBET QFL Премьер-лигасының жеңімпазы атанды. Шешуші 26-шы турда алматылықтар сырт алаңда «Атыраудан» 0:1 есебімен басым түсті. Жалғыз голды 59-шы минутта пенальтиден Гиорги Зария соқты. 

Осылайша, «сары-қаралар» 47 ұпай жинап, өз тарихында төртінші мәрте футболдан Қазақстан чемпионы атанды. Рафаэль Уразбахтинның шәкірттері осы маусымда 14 жеңіс, 5 тең, 5 жеңіліс көрсеткішін тіркеді. Сондай-ақ, «Қайрат» қарсылас қақпасына 39 гол соғып, ал команданың шабуылшысы Жоао Пауло 10 голмен турнирдің үздік сұрмергендерінің қатарына кірді. 

OLIMPBET QFL Премьер-лигасының көптеген сұрақтарына тек шешуші 26-шы турда ғана жауап табылды. Күміс жүлдені 46 ұпаймен «Астана» алса, «Ақтөбе» клубы 43 ұпаймен үздік үштікті түйіндеді. Турнирдің аутсайдері ретінде «Шахтер» танылып, ең соңғы 13-ші орынға тұрақтады. Салдарынан алғаш рет өздерінің тарихында жоғарғы дивизионнан ұшып кетті.

«Қайрат» ұжымы чемпиондық атақтың арқасында келесі жылы OLIMPBET QFL Қазақстан Суперкубогы және УЕФА Чемпиондар лигасының іріктеу кезеңінде бақ сынауға мүмкіндік алды. Турнирдің қорытындысы бойынша, «Астана», «Ақтөбе», «Ордабасы» командалары да еурокубокқа қатыса алады. Айта кетейік, OLIMPBET QFL Премьер-лигасы 1 наурыз бен 10 қараша күндері аралығында жалғасты.

Qazaqstan Football League «Қайрат» футбол клубын чемпиондығымен құттықтап, табыс тілейді!