16-шы тур аңдатпасы: «Елімай» басты қарсыласын қуып жете ала ма?

3-4 тамыз күндері аралығында OLIMPBET QFL Премьер-лигасының 16-шы тур ойындары өтеді.

3 тамыз

«Қызылжар» - «Жетісу»

Уақыты: 16:00

Тікелей эфир: Q Football телеарнасы, Q Football мобильді қосымшасы, QFootball.kz пен QFL.KZ сайттары

Өтетін жері: «Жастар» стадионы (Петропавл)

Төреші: Затула Александр (Өскемен), Орынбаев Илашбек (Түркістан обл.), Филипчук Евгений (Шымкент)

VAR төрешісі: Гороховодацкий Сергей (Алматы)

AVAR төрешісі: Тергеусізов Самат (Алматы)

Қосалқы төреші: Пучков Станислав (Петропавл)

Инспектор: Борисов Александр (Семей)

2020 жылдан бергі 8 кездесуде де «Жетісу» қарсыласын ұта алмай келеді. Бірінші айналымдағы матчта да «Қызылжар» ойынды бақылауды ұстап, тек гол соға алмаған еді. Осы жолы да алаң иелері фаворит. Оған бірнеше себеп бар. «Жетісу» соңғы рет Петропавлда 2017 жылы жеңіске жеткен. Екіншіден, талдықорғандықтар 3 айға жуық уақыт бойы ел чемпионатында қарсыласынан айласын асыра алмады. Үшіншіден, Әли Әлиевтің шәкірттері әлі ұшу аймағына жақын тұр. Бірақ бәлкім, Қайрат Нұрдәулетовтың футболшылары да бұл қарсы факторларға айла ойлап таба алар...

«Атырау» - «Қайсар»

Уақыты: 18:00

Тікелей эфир: Q Football телеарнасы, Q Football мобильді қосымшасы, QFootball.kz пен QFL.KZ сайттары

Өтетін жері: «Мұнайшы» стадионы (Атырау)

Төреші: Чеховский Георгий (Астана), Дауанов Ардақ (Алматы), Навроцкий Иван (Астана)

VAR төрешісі: Қарабаев Саят (Астана)

AVAR төрешісі: Васютин Сергей (Алматы)

Қосалқы төреші: Сұлтанғалиев Руслан (Атырау)

Инспектор: Доскеев Нұржан (Алматы)

Командалардың кейінгі 5 кездесуінің екеуінде ғана жеңімпаз анықталған. Бір қызығы - «Қайсар» клубы көп гол жіберетін ұжымдардың қатарына кіргенімен, турнир кестесінде «Атыраудан» жоғары тұр. Атыраулықтар қарсыластан қарағанда 8 голға аз өткізген. Ал гол соғу көрсеткіштері шамалас. Алаң иелері маусым басында «Жетісуге» ғана есе жібергенімен, әлі де жеңіске көп жете бермейді. Қос ұжымның да жоғарыға ұмтылатынын ескерсек, қос тарапқа да оңай соқпайтыны анық.

«Қайрат» - «Елімай»

Уақыты: 20:00

Тікелей эфир: Sport+ Qazaqstan телеарнасы, Q Football мобильді қосымшасы, QFootball.kz пен QFL.KZ сайттары

Өтетін жері: Орталық стадион (Алматы)

Төреші: Тевяшов Денис (Орал), Мыңбаев Әлішер, Филоненко Дмитрий (екеуі де Тараз)

VAR төрешісі: Сариев Болат (Орал)

AVAR төрешісі: Калачев Сергей (Атырау)

Қосалқы төреші: Омаров Рустам (Алматы)

Инспектор: Жуковский Геннадий (Атырау)

Осы турдағы орталық матч. Семей қаласындағы ойында «Қайрат» жеңіске бір табан жақын болып, тек қосымша минуттарда гол жіберіп алған еді. Енді Алматы төрінде, жанкүйерлерінің алдында жеңіс үшін барын салуы тиіс. Өйткені алматылықтар өз стадионында «Жеңіспен» ұпай бөліскен еді. Сондай-ақ, бұл жеңіс басты қарсыластарының бірінен ұпайды ұзатып алуға жақсы мүмкіндік. Андрей Карповичтың шәкірттері соңғы рет сонау мамырдың басында ғана түзде «Жеңіс» командасынан 3 алып кеткен.

4 тамыз

«Астана» - «Тұран»

Уақыты: 20:00

Тікелей эфир: Sport+ Qazaqstan телеарнасы, Q Football мобильді қосымшасы, QFootball.kz пен QFL.KZ сайттары

Өтетін жері: «Хан-Тәңірі» стадионы (Алматы)

Төреші: Байымбет Сәкен (Тараз), Будниченко Дмитрий (Экибастуз), Мортин Никита (Ақтөбе)

VAR төрешісі: Абдуллаев Бағдат (Қаратау)

AVAR төрешісі: Магау Наргис (Алматы)

Қосалқы төреші: Павлов Александр (Алматы)

Инспектор: Қызылбаев Бақыт (Ақтөбе)

«Астана» клубы үшін шілде айы табысты өтті. 1XBET QFl Лига кубогының жартылай финалына өтті. Сонымен қатар, УЕФА Конференция лигасының екінші айналымында Молдованың «Милсами» ұжымынан айласын асырып, келесі раундқа өтті. Алайда ішкі біріншілікте астаналықтардың жағдайы мәз емес. Команда небары 9-шы сатыда тұр. Егер олар «Тұраннан» жеңілетін болса, ұпайлары теңеседі. Түркістандықтардың да жағдайы мәз емес. Олар шілде айында небары 3 ойын ғана өткізді. 2 апталық үзілістен кейін олар қонаққа баратынын да ескеру керек. Трансфер кезеңінде де Феди Бен Чуг сынды шабуылшы отбасы жағдайына кетті. Ал жаңа толықтырулар, үзіліс бұл клубқа қалай әсер етті екен? Оны алдағы жексенбі білетін боламыз.

«Жеңіс» - «Ақтөбе»

Уақыты: 18:00

Тікелей эфир: Q Football телеарнасы, Q Football мобильді қосымшасы, QFootball.kz пен QFL.KZ сайттары

Өтетін жері: «Шахтер» стадионы (Қарағанды)

Төреші: Сағи Данияр (Кызылорда), Филатов Иван, Конивец Артем (екеуі де Қарағанды)

VAR төрешісі: Горда Данил (Көкшетау)

AVAR төрешісі: Быстров Дмитрий (Сарань)

Қосалқы төреші: Бильдинов Михаил (Қарағанды)

Инспектор: Хисамутдинов Игорь (Павлодар)

Осы маусымда командалар 2 мәрте кездесіп, екеуінде де «Ақтөбе» басым түскен. Алайда 1XBET QFL Лига кубогындағы матч ақтөбеліктерге оңай соқпай, топтық кезеңнен шыға алмаған. Өткен турда ғана «Ордабасының» ұпай жоғалтқанын тиімді пайдаланған қонақтар аутсайдерге қарсы ойында 3 ұпай алуға міндетті. Ал «Жеңіс» клубы өз нәтижесін қарымта шабуылдан іздейтіні анық. Бұл команда осы маусымда «Тобыл», «Қайрат» сынды клубтардан 1 ұпай алып үлгерген.

Айта кетейік, 16-шы тур аясында жоспарланған «Тобыл» - «Шахтер» матчы қостанайлық клубтың еурокубок ойындарына қатысуына байланысты 28 қыркүйекке шегерілді.