1ХВЕТ QFL Лига кубогының финалында автокөлік ойнатылады: жанкүйерлерді Түркістанда не күтеді?
Тура бір аптадан соң, «Түркістан Арена» стадионында 1ХВЕТ QFL Лига кубогының жеңімпазы анықталады. Кубокты «Жеңіс» пен «Астана» клубтары сарапқа салады. Финалдағы елордалық дерби 23 қараша күні, сағат 15:00-де басталады.
Қазақстанның 16 клубының қатысуымен өтетін жаңа турнирдің жалпы жүлде қоры 1 миллион долларды құрайды. Кубок иегері 90 миллион теңгені қанжығасына байласа, күміс жүлдегер 50 миллион теңгеге ие болады. Турнир қорытындысы бойынша, 1ХВЕТ QFL Лига кубогының чемпионы өз қаржысын 129 миллион теңгеге дейін көбейте алады.
Турнир жанкүйерлердің арасында үлкен қызығушылық тудырды. Матчтарға 93 мыңңаң астам жанкүйер жиналды. Маусымдағы соңғы ойынды осы жылы түркі әлемінің туристік астанасы ретінде жарияланған Түркістан қаласы қабылдайды. Ойын жеті мыңдық көрерменге арналған «Түркістан Аренада» өтеді. Бұл стадион бұған дейін 2021 жылы футболдан Қазақстан Суперкубогын қабылдаған.
Айта кетейік, матчқа кіру тегін. Сондай-ақ, турнирдің бас серіктесі 1ХВЕТ компаниясы жанкүйерлер үшін нағыз футбол мерекесін дайындады. Көрермендерді стадион аймағында түрлі белсенділік аймақтары, танымал жүргізуші Әділет Бисариевтің интерактиві, диджей, хедлайнер HIRO-дың туындылары күтеді. Ал басты сыйлық - Chery Tiggo 4 Pro автокөлігінің ұтысы.
Финалға бара алмаған отандық футболдың жанкүйерлері ойынды Qazsport телеарнасы арқылы тікелей эфирден тамашалай алады. Сонымен қатар матч QFootball.kz, QFL.KZ сайттары мен Q Football мобильді қосымшасынан көрсетіледі. Ресми хабар таратушы жанкүйерлерге жоғары сападағы трансляция, live-статистика, «Жеңіс» - «Астана» клубтарының кездесуіне дейін және матчтан кейін сарапшылардың қатысуымен «Орталық матч» арнайы шығарылым бағдарламасын ұсынады.
1ХВЕТ QFL Лига кубогының финалын жіберіп алмай, өзекті ақпараттарды QFL мен 1ХВЕТ әлеуметтік парақшасынан қадағалап отырыңыздар.
