2024 жылы «Ақтөбе» клубының ойынына ең көп жанкүйер барды

03 желтоқсан 2024 17:03

25 ақпан - 23 қараша күндері аралығында жалғасқан Qazaqstan Football League турнирлерін 1 094 316 көрермен тамашалады. Ал OLIMPBET QFL Премьер-лигасының 5-ші туры аясындағы «Қайрат» пен «Ақтөбе» кездесуінде футболдан Қазақстан чемпионатының жаңа рекорды тіркелді. Сондай-ақ, «қызыл-ақтар» осы жылы ең танымал клуб ретінде танылды.

«Ақтөбенің» өз алаңындағы матчтарына 165 500 жанкүйер жиналды. Осы маусымда клуб OLIMPBET QFL Қазақстан кубогында жеңімпаз атанып, OLIMPBET QFL Премьер-лигасының қола жүлдесін еншіледі. Сондай-ақ, 1ХВЕТ QFL Лига кубогында да бақ сынады.

OLIMPBET QFL Премьер-лигасының чемпионы «Қайратты» қолдау үшін, Алматы қаласындағы Орталық стадионда 137 922 адам бас қосты. Ал үшінші орынға «Ордабасы» ұжымы жайғасты. Қажымұқан Мұңайтпасов атындағы орталық стадионға 114 156 көрермен барды. Ал 1ХВЕТ QFL Бірінші лигасында ең танымал клуб атағын «Тараз» клубы алды. Оның үйдегі матчтарына 26 624 адам барды.

QFL Екінші лигасында «Ертіс» клубының тартысты бәсекесін осы маусымда 45 150 жанкүйер қолдады. Нәтижесінде олар чемпион атанып, 1ХВЕТ QFL Бірінші лигасының жолдамасын иеленді. Турнирдегі барлық көрермендердің жартысына жуығы павлодарлық ұжымның ойындарын тамашалады.

Назарларыңызға 2024 жылғы маусымда ең көп көремен жинаған матчтарды ұсынамыз:

1. «Қайрат» - «Ақтөбе» – 22 804 жанкүйер (20.04.2024, OLIMPBET QFL Премьер-лига, 5 тур)
2. «Ордабасы» – «Ақтөбе» – 17 083 жанкүйер (08.05.2024, OLIMPBET QFL Қазақстан кубогының ¼ финалы)
3. «Қайрат» – «Астана» – 15 473 жанкүйер (01.09.2024, OLIMPBET QFL Премьер-лига, 19 тур)
4. «Ордабасы» – «Астана» – 14 000 жанкүйер (22.09.2024, OLIMPBET QFL Премьер-лига, 21 тур)
5. «Атырау» – «Ақтөбе» – 13 576 жанкүйер (29.09.2024, OLIMPBET QFL Қазақстан кубогының финалы)
6. «Қайрат» – «Ордабасы» – 12 675 жанкүйер (02.11.2024, OLIMPBET QFL Премьер-лига, 25 тур)
7. «Ақтөбе» - «Астана» - 12 600 жанкүйер (04.05.2024, OLIMPBET QFL Премьер-лига, 7 тур)
8. «Ақтөбе» - «Ордабасы» - 12 600 жанкүйер (18.05.2024, OLIMPBET QFL Премьер-лига, 9 тур)
9. «Ақтөбе» - «Елімай» - 12 600 жанкүйер (29.05.2024, OLIMPBET QFL Қазақстан кубогының жартылай финалы)
10. «Ақтөбе» - «Қайсар» - 12 600 жанкүйер (21.07.2024, 1ХВЕТ QFL Лига кубогы, 3 тур)