ALAŇ жобасы: жаңа футбол алаңдарын отандық бапкерлер жоғары бағалады
Өткен жылдан бері Қазақстан футбол федерациясы елімізде 13 жаңа футбол алаңын салды. Ауқымды бастама футбол алаңдарын реновациялау аясындағы ALAŇ жобасы арқылы жүзеге асырылады. Жоба Алматы, Шымкент, Ақтөбе, Петропавл, Өскемен, Аягөз, Ақсу, Балқаш, Жезқазған, Қызылорда, Атбасар, Саран қалалары мен Жетісу облысындағы Балпық би ауылын қамтыды.
Халықаралық талаптарға сай алаңда футбол жаттығулары мен түрлі жарыстар белсенді түрде өткізілуде. Сондай-ақ, 1ХВЕТ QFL Бірінші лигасы турнирінде кәсіби футбол клубтар бірнеше ресми матч өткізді. ALAŇ жобасына қызылордалық «Қайсар» клубының бас бапкері, білікті маман Виктор Кумыков жоғары бағасын берді:
«Өте керемет және ең бастысы, пайдалы жоба. Жаңа алаңда тек қана «Қайсар» ғана емес, сонымен қатар еліміздің намысын абыроймен қорғайтын шеберлер өсіп шығады деп үміттенеміз. Бұл алаңды ұзақ күттік. УЕФА және Қазақстан футбол федерациясы, осы жобаға үлесін қосқандарға алғысымды айтамын. Өте сапалы алаң. Бұл жерде ересектер мен балалар да жаттығу өткізді. Барлығы мақтап жатыр», - деді Қызылордадағы Ғани Мұратбаев атындағы стадионының қосалқы алаңының ашылу салтанатында Виктор Кумыков.
Футбол алаңдарын реновациялау аясындағы ҚФФ-ның ALAÑ жобасы 2023 жылы басталған болатын. Бұқаралық спортты дамытуға бағытталған Мемлекет басшысының тапсырмасын орындау мақсатында Қазақстан футбол федерациясы елімізде футбол алаңдарын қайта жаңартатын ALAÑ бағдарламасын енгізді. Үш жылға арналған бағдарлама УЕФА-ның қолдауымен жүзеге асырылады. Жобаның басты серіктесі - 1XBET букмекерлік компаниясы, ал мақсаты - футбол инфрақұрылымын дамытып, бұқаралық футболды дамытуға жағдай жасау.
«Ескі алаңмен салыстырар болсақ, айырмашылығы - жер мен көктей. Алғашқы жаттығудан кейін жаңа төсеніш жақсы әсер қалдырды. Алаң тегістігі, доптың жылдамдығы, қозғалысы көңілден шығады. Ойыншылар да алаңда қауіпсіз сезініп, тайып кетпей, бір орында тұра алады. Жұмсақтығы да жақсы әсер қалдырды. Керемет алаң», - деп «Ұлытау» клубының бас бапкері Иван Азовский пікірін білдірді.
Айта кетейік, Иван Азовскийдің шәкірттері маусымдағы соңғы ойынын Жезқазған қаласындағы «Металлург» стадионының өңделген стадионында өткізді. Матчтың қорытындысы бойынша, команда 1ХВЕТ QFL Бірінші лигасының күміс жүлдегері атанып, жоғарғы дивизионның жолдамасын иеленді. «Металлург» стадионы туралы ALAÑ жобасының YouTube арнасындағы бейнекүнделіктердің жаңа шығарылымынан көре аласыздар.
