«Астананың» рекорды, автокөлік ұтысы, жаңа форматтағы трансляция - 1ХВЕТ QFL Лига кубогының финалы қалай өтті?
23 қараша күні Түркістан қаласында 1ХВЕТ QFL Лига кубогының 2024 жылғы бәсекесі аяқталды. «Түркістан Арена» стадионында өткен финалдық матчта «Астана» клубы экстра-таймда «Жеңісті» 0:2 есебімен жеңді. Осылайша, Григорий Бабаянның шәкірттері өз тарихындағы 17-ші кубоктарына қол жеткізіп, отандық футбол тарихында рекордсмен атанды.
Жаңа турнир жалпы жүлде қоры бойынша рекордтық 1 миллион долларды құрауымен де есте қалды. «Астана» кубоктан бөлек, 90 миллион теңге иеленді. Ал жалпы турнирге қатысқаны үшін, 129 миллион теңге табыс тапты. Өз кезегінде бас серіктес күміс жүлдегер «Жеңіс» клубына 50 миллион теңгенің сертификатын табыстады.
«Қос команданың футболшылары тамаша эмоция сыйлады. «Астана» клубын алғашқы коммерциялық турнир саналған 1ХВЕТ QFL Лига кубогын жеңіп алуымен құттықтаймын. Біз демеуші ретінде Лигаға алғысымызды білдіріп, келесі жылы да тиімді ынтымақтастығымызды жалғастырамыз деп сенемін», - деді 1ХВЕТ компаниясының өкілі Арсен Бөлеков.
«Түркістан Арена» стадионында 5 мың жанкүйер тартсты финалдың куәсі болып қана қоймай, 1ХВЕТ-тің түрді белсенділіктеріне қатысты. Басты серіктес жанкүйерлерге нағыз футбол мерекесін сыйлап, ойынды тегін тамашалауға мүмкіндік берді. Көрермендер жаңа кубокпен естелік суреттерге түсіп, сабсоккер, панна-футбол ойындарын ойнады. Фристайлер мен диджейдің өнерін тамашалап, турнирдің эксклюзивті мерчтерінің ұтыстарына қатысты. Сондай-ақ, олар елордалық клубтарды жалынды түрде қолдады. Тамашалаушылардың көңіліне шоумен Әділет Бисариев жауапты болып, HIRO хедлайнерінің өнер көрсетуі Matchday-ды одан әрі жандандырды. Сонымен қатар, Chery Tiggo 4 Pro автокөлігі ойнатылып, Қызылорда облысынан арнайы келген жанкүйер темір тұлпарды тізгіндеді.
«Лига кубогы – QFL үшін маңызды әрі айрықша турнир. Соның арқасында клубтар ойын тәжірибесін арттырып, жақсы қаржылай сыйақы алуға мүмкіндігі болады. Бастысы – біздің қымбатты жанкүйерлеріміз қосымша 29 матчқа куә болып, турнирді тамашалағандардың саны Қазақстан кубогынан асып түсті. Турнирді қолдап, отандық футболдың дамуына үлес қосқаны үшін, тағы да біздің бас серіктесімізге алғысымды білдіремін», - деді Qazaqstan Football League президенті Ғани Қайназаров.
Айта кетейік, 1ХВЕТ QFL Лига кубогының финалы Qazsport телеарнасы мен Qazsport платформасында тікелей эфирде көрсетілді. Qsport медиахолдингі ойынның маңыздылығын ескере отырып, стадиондағы видеокамералардың санын арттырды және графикалық пакетті кеңейтті. Алғаш рет қазақстандық телевизияда футболдан отандық сайыстардық тікелей көрсетілімінде статистикалық деректер 3D/AR форматында ұсынылды. Аталмыш технологиялар трансляцияның сапасын жоғарлатып, көрермендер эфир барысында сараптамалық ақпараттарға қанық болды.
QFL Түркістан облысының басшылығы, 1ХВЕТ компаниясы мен Qsport медиахолдингіне маусымның соңғы ойынын жоғары деңгейде ұйымдастыруға атсалысқаны үшін, алғысын білдіреді.
