Ислам Чесноков пен Рафаэль Уразбахтин қазан айының үздіктері ретінде танылды

Qazaqstan Football League 2024 жылдың қазан айы бойынша OLIMPBET QFL Премьер-лигасындағы үздік ойыншы мен бапкерді назарыңызға ұсынады. «Үздік ойыншы» номинациясы турнир қатысушыларының капитандары мен бапкерлерінің дауыс беруі арқылы анықталды. Сондай-ақ бас бапкерлер өзара «Үздік бапкер» номинациясы иегерінің жеңімпазын таңдады. 

Қазан айының үздік ойыншысы ретінде «Тобыл» клубының ойыншысы Ислам Чесноков танылды. Ол өткен айда қостанайлықтар сапында барлық матчқа қатысып, 1 гол соқты. 24 жастағы футболшы осы маусымда үшінші мәрте «Үздік ойыншы» номинациясын иеленді және 10 голмен турнирдің үздік сұрмергені атанды. Ал қазан айындағы үздік бапкер атағы 45 жастағы Рафаэль Уразбахтинға бұйырды. Оның баптауымен «Қайрат» клубы қазан айында екі мәрте жеңіске жетіп, OLIMPBET QFL Премьер-лигасы маусымының қорытындысы бойынша, чемпион атанды.

QFL барлық номинация жеңімпаздарын құттықтап, сәттілік тілейді!