OLIMPBET QFL Қазақстан кубогы: алғашқы 2 клуб плей-оффқа шықты
32-ші мәрте ұйымдастырылып жатқан ел кубогының бастапқы кезеңінде Бірінші және Екінші лиганың 19 клубы 2 тур ойындарын аяқтады.
2 турдың қорытындысы бойынша, «Оңтүстік», «Жас Қыран» командалары мерзімінен бұрын өз топтарында 1-орынға ие болды.
Енді 17-19 наурыз күндері шешуші 3 тур ойындары өтеді.
Екінші турда қандай жайттар тіркелді?
- Ауа-райының қолайсыздығына байланысты 2 турдың 3 ойыны 14 наурыздан 15 наурызға ауыстырылды.
- Қайта құрылған «Ертіс» клубы 2 турда өткен Премьер-лиганың қатысушысы «Оқжетпеспен» жолығып, тағы да 1:0 есебімен жеңіске жетті. Бірақ бұл ойын өте лас өтіп, 9 бірдей сары қағаз көрсетілді.
- А тобында «Хан Тәңірі» мен «АКАS» арасындағы кездесуде 2 голды ұлттық құраманың бұрынғы футболшылары 36 жастағы Сергей Гридин (АКАS) мен 35 жастағы Марат Шахметов (Хан Тәңірі) соқты.
- Бастапқы кезеңнің фавориттері саналған «Оқжетпес», «Ақжайық», «Каспий», «Ақсу» клубтары топтан шығу мүмкіндігінен айырылды. Ал бірінші ойынын Екінші лиганың чемпионы «Ұлытауға» қарсы өткізген «Мақтарал» да 0:1 есебімен жол берді. Егер «Мақтарал» шешуші матчта «SD Family» командасын ірі есеппен жеңбесе, жарыспен қоштасады.
- «Оңтүстік» былтыр ел кубогының 1/16 финалына шығып, «Ақжайықтан» оңбай 1:7 есебімен ұтылған еді. Ал биыл қос клуб бір топта ойнады. Нәтижесінде «Оңтүстік» командасы БҚО және ШҚО ұжымдарын қапы қалдырып, тағы да плей-оффқа өтті.
- Өткен маусыммен салыстырғанда, бастапқы кезеңде тек «Оңтүстік» ғана сәтті аяқтады. «Елімай» мен «Тұран» Премьер-лигада доп тебетіндіктен, жарысты 1/8 финалда бастайды. «Ақжайық» командасы «Оңтүстікпен» бір топқа түсіп қалды.
OLIMPBET QFL Қазақстан кубогы
Бастапқы кезең (топтық кезең):
«А» тобы
2 тур – 15 наурыз
«Ертіс» - «Оқжетпес» 1:0
«Хан Тәңірі» - AKAS 1:2
«В» тобы
2 тур - 15 наурыз
«Оңтүстік» - «Алтай» 2:0
«С» тобы
2 тур - 15 наурыз
«Екібастұз» - «Түркістан» 1:1
«D» тобы
2 тур - 15 наурыз
«Жас Қыран» - «Арыс» 1:0
«E» тобы
2 тур - 16 наурыз
«Ұлытау» - «Мақтаарал» 1:0
«F» тобы
2 тур - 16 наурыз
«Жетісай» - «Қыран» 1:1
Айта кетейік, бастапқы кезеңнің топтық ойындарында өз тобында 1-орын алған командалар ғана плей-оффқа шығады.
3 тур
17 наурыз. Жексенбі
«В» тобы
16:00 «Алтай» - «Ақжайык»
18 наурыз. Дүйсенбі
«А» тобы
10:00 «Оқжетпес» - «Хан Тәңірі»
12:00. АKAS – «Ертіс»
«С» тобы
14:00 «Түркістан» - «Тараз»
«D» тобы
16:00 «Арыс» - «Каспий»
19 наурыз. Сейсенбі
«Е» тобы
13:00 «Мақтаарал» - SD Family
«F» тобы
16:00 «Қыран» - «Ақсу»
Кубоктағы тартысты кездесулердің қызықты сәттері QFL-дің YouTube-тағы арнасы мен Telegram парақшасында қолжетімді.
Бастапқы кезеңнің матчтары Шымкент қаласында «БИІК» спорт кешенінде өтіп жатыр. Ойындарды «Q Football» және «Q Arena» телеарналары және біздің сайтта тікелей эфирде тамашалай аласыздар.
