28 қараша 2024 17:35
ЕКІНШІ ЛИГА
QFL Екінші лигасының маусымындағы үздіктер анықталды
28 қараша 2024 17:35
Qazaqstan Football League назарларыңызға 2024 жылдың маусымының қорытындысы бойынша, QFL Екінші лигасының үздік ойыншылары мен бапкерлерін ұсынады. 24 команданың қатысуымен өткен турнир екі конференцияға бөлініп, 9 сәуір мен 1 қазан аралығында өтті. «Оңтүстік-Батыс» конференциясында AKAS клубы чемпион атанса, «Солтүстік-Шығыс» конференциясында «Ертіс» командасы топ жарды.
«Оңтүстік-Батыс» конференциясында маусымның үздік футболшысы ретінде AKAS клубының 37 жастағы шабуылшысы Сергей Гридин танылды. Ол 20 ойынға қатысып, 20 гол соқты. Сондай-ақ, Гридин төрт мәрте айдың үздік ойыншысы атанып, турнирдің үздік сұрмергені атағын жеңіп алды. Ал оның клубы мерзімінен бұрын алтын медальға ие болып, 1ХВЕТ QFL Бірінші лигасының жолдамасын қанжығасына байлады.
«Маусымның үздік бапкері» номинациясын «Оңтүстік-Батыс» конференциясында «Жас Қыран» клубының жаттықтырушысы Асхат Қадырқұловқа бұйырды. 50 жастағы маманның баптауымен алматылық клуб 45 ұпай жинап, турнирдің күміс жүлдесін алды. Осы маусымда «Жас Қыран» ұжымы 14 жеңіс, 3 тең көрсеткішке қол жеткізіп, қарсылас қақпасына 45 гол соқты. Айта кетейік, Қадырқұлов екі мәрте айдың үздігі ретінде танылған еді.
«Солтүстік-Шығыс» конференциясында маусымның үздік футболшысы атағын «Ертіс» командасының ойыншысы Арман Смайылов иелік етті. 27 жастағы шабуылшы 20 ойынға қатысып, 19 гол соқты. Сонымен қатар, Смайылов екі рет айдың үздік ойыншысы атанып, өз конференциясында үздік сұрмерген болды. Нәтижесінде «Ертіс» чемпион атанып, 1ХВЕТ QFL Бірінші лигасының екінші жолдамасын алды.
«Маусымның үздік бапкері» номинациясын «Солтүстік-Шығыс» конференциясында «Шахтер Ж» командасының бас бапкері Максим Самченкоға бұйырды. 45 жастағы маманның тізгіндеуімкн «кеншілердің» жастар командасы 55 ұпай жинап, турнирдің күміс медалін жеңіп алды. Қарағандылықтар осы маусымда 17 жеңіс, 4 тең көрсеткішке қол жеткізіп, қарсылас қақпасына 56 гол соқты. Айта кетейік, Самченко үш мәрте айдың үздігі ретінде танылған еді.
QFL барлық номинация жеңімпаздарын құттықтап, сәттілік тілейді!
«Оңтүстік-Батыс» конференциясында маусымның үздік футболшысы ретінде AKAS клубының 37 жастағы шабуылшысы Сергей Гридин танылды. Ол 20 ойынға қатысып, 20 гол соқты. Сондай-ақ, Гридин төрт мәрте айдың үздік ойыншысы атанып, турнирдің үздік сұрмергені атағын жеңіп алды. Ал оның клубы мерзімінен бұрын алтын медальға ие болып, 1ХВЕТ QFL Бірінші лигасының жолдамасын қанжығасына байлады.
«Маусымның үздік бапкері» номинациясын «Оңтүстік-Батыс» конференциясында «Жас Қыран» клубының жаттықтырушысы Асхат Қадырқұловқа бұйырды. 50 жастағы маманның баптауымен алматылық клуб 45 ұпай жинап, турнирдің күміс жүлдесін алды. Осы маусымда «Жас Қыран» ұжымы 14 жеңіс, 3 тең көрсеткішке қол жеткізіп, қарсылас қақпасына 45 гол соқты. Айта кетейік, Қадырқұлов екі мәрте айдың үздігі ретінде танылған еді.
«Солтүстік-Шығыс» конференциясында маусымның үздік футболшысы атағын «Ертіс» командасының ойыншысы Арман Смайылов иелік етті. 27 жастағы шабуылшы 20 ойынға қатысып, 19 гол соқты. Сонымен қатар, Смайылов екі рет айдың үздік ойыншысы атанып, өз конференциясында үздік сұрмерген болды. Нәтижесінде «Ертіс» чемпион атанып, 1ХВЕТ QFL Бірінші лигасының екінші жолдамасын алды.
«Маусымның үздік бапкері» номинациясын «Солтүстік-Шығыс» конференциясында «Шахтер Ж» командасының бас бапкері Максим Самченкоға бұйырды. 45 жастағы маманның тізгіндеуімкн «кеншілердің» жастар командасы 55 ұпай жинап, турнирдің күміс медалін жеңіп алды. Қарағандылықтар осы маусымда 17 жеңіс, 4 тең көрсеткішке қол жеткізіп, қарсылас қақпасына 56 гол соқты. Айта кетейік, Самченко үш мәрте айдың үздігі ретінде танылған еді.
QFL барлық номинация жеңімпаздарын құттықтап, сәттілік тілейді!
Басқа жаңалықтар
