Жаңа стадион, манеж және футбол орталығы: QFL президенті «Елімай» клубының инфрақұрылымымен танысты

Семей қаласына жұмыс сапарымен барған Ғани Қайназаров «Елімай» клубының инфрақұрылымымен танысты. Команданың директоры Федор Симиниди QFL президентіне спорт кластерінің құрылыс барысын көрсетті. Лига басшысы клубтың даму бойынша жоспарын құптап, QFL тарапынан қажетті көмек көрсетілетіндігін айтты. 

Осы жылдың өзінде жаңа футбол манежi мен жаттығу алаңы қолданысқа беріледі. Федор Симинидидің айтуынша, аталған нысан QFL турнирінің матчтарын қабылдау талаптарына толықтай сай келіп, қыркүйекте QFL Екінші лигасындағы «Елімай Ж» командасы өз алаңындағы кездесулерінің бірін Аягөз қаласындағы жаңа алаңда өткізуді жоспарлауда. Ал бұл алаң Қазақстан футбол федерациясының ALAN жобасы аясында өңделуде. Сондай-ақ клуб жас футболшылардың шеберлігін шыңдау үшін жаңа футбол орталығын ашады. 

Ал ең ауқымды жоба - «Елімай» жаңа стадионының соғылуы. Арена 12,5 мың жанкүйерді сыйдырып, УЕФА-ның төртінші санатын алатын болады. Құрылыс 2026 жылдың ақпан айында бітеді деп күтілуде. Сонымен қатар Семей қаласында халықаралық деңгейдегі жаңа «Ibis Elimai Semey Hotel» қонақ үйі салынады. Ол жерде балалар-жасөспірімдердің спорттық іс-шаралары мен түрлі бағыттағы тренингтер өткізіледі. Ғани Қайназаров аталмыш нысандар өңірдегі спорттың дамуына айтарлықтай серпін беретіндігін жеткізді. 

Айта кетейік, жобалар Абай облысының әкімі Нұрлан Ұранхаев пен клубтың демеушілерінің қолдауымен іске асуда.