23 қараша 2024 17:38
1ХВЕТ ЛИГА КУБОГЫ
«Астана» 1ХВЕТ QFL Лига кубогының алғашқы жеңімпазы атанды
23 қараша 2024 17:38
Түркістанда 2024 жылғы 1ХВЕТ QFL Лига кубогының бірінші маусымы аяқталды. Финалдық матчта «Астана» клубы «Жеңісті» 0:2 есебімен жеңді. Ойын «Түркістан Арена» стадионында өтті.
Негізгі уақытта «Астана» клубы үстемдікке ие болғанымен, 90 минутта есеп ашылмай, 0:0 есебімен аяқталды. Кубоктың тағдыры тек овертаймда ғана шешілді. 104-ші минутта Карло Бартолец есеп ашса, 120+1 минутта гвинеялық шабуылшы Усман Камара есепті ұлғайтты.
«Бұл турнир біз үшін өте маңызды. Бүгін түркі әлемінің туристік астанасы – Түркістан қаласында нағыз футбол мерекесі мен маусымның жарқын аяқталғанына куә болдық. Клубтарға, құрметті серіктестерімізге, Түркістан облысының басшылығына отандық футболды дамытуға үлес қосқаны үшін және қолдау танытқан жанкүйерлерге алғысымды білдіремін. «Астана» футбол клубын кубогымен құттықтап, сәттілік тілеймін!», - деді Qazaqstan Football League президенті Ғани Қайназаров.
Айта кетейік, «Астана» 1ХВЕТ QFL Лига кубогындағы жеңісі арқылы өз тарихындағы жүлде санын 17-ге жеткізді. Бұндай жетістікке әзірше өзге отандық клубтар жетпеген. Елордалық ұжым финалға дейін «Каспий» мен «Шахтерді» жеңіп, D тобында көшбасшы болды. Ал жартылай финалда матч соңындағы пенальти сериясы арқылы «Елімайдан» басым түсті. Кубокпен қатар, Григорий Бабаянның шәкірттері 90 миллион теңге сыйақы алса, «Жеңіс» клубы 50 миллион теңгеге иелік етті.
«Астана» клубын топ жаруымен құттықтаймыз. Бұл қомақты жүлде қоры мен керемет кубогы бар қызықты турнир болды. Жаңа турнир арқылы отандық футболды одан әрі жандандырдық деген сенімдемін. Барлық қатысушылар форматты бағалай алды және алдағы уақытта турнирге деген қызығушылық артады деп үміттенемін. Барлықтарыңызды маусымның аяқталуымен құттықтаймын», - деді 1XBET компаниясының Маркетинг департаменті басшысының орынбасары Санжар Тоқтасын.
Айта кетейік, 1ХВЕТ QFL Лига кубогын еліміздің ең мықты 16 клубы қатысып, бәсеке 25 мамыр мен 23 қараша аралығында жалғасты. Турнирдің жүлде қоры рекордтық 1 миллион долларды құрады, ал басты серіктесі - 1XBET компаниясы.
Qazaqstan Football League «Астана» клубын жеңісімен құттықтап, табыс тілейді!
Негізгі уақытта «Астана» клубы үстемдікке ие болғанымен, 90 минутта есеп ашылмай, 0:0 есебімен аяқталды. Кубоктың тағдыры тек овертаймда ғана шешілді. 104-ші минутта Карло Бартолец есеп ашса, 120+1 минутта гвинеялық шабуылшы Усман Камара есепті ұлғайтты.
«Бұл турнир біз үшін өте маңызды. Бүгін түркі әлемінің туристік астанасы – Түркістан қаласында нағыз футбол мерекесі мен маусымның жарқын аяқталғанына куә болдық. Клубтарға, құрметті серіктестерімізге, Түркістан облысының басшылығына отандық футболды дамытуға үлес қосқаны үшін және қолдау танытқан жанкүйерлерге алғысымды білдіремін. «Астана» футбол клубын кубогымен құттықтап, сәттілік тілеймін!», - деді Qazaqstan Football League президенті Ғани Қайназаров.
Айта кетейік, «Астана» 1ХВЕТ QFL Лига кубогындағы жеңісі арқылы өз тарихындағы жүлде санын 17-ге жеткізді. Бұндай жетістікке әзірше өзге отандық клубтар жетпеген. Елордалық ұжым финалға дейін «Каспий» мен «Шахтерді» жеңіп, D тобында көшбасшы болды. Ал жартылай финалда матч соңындағы пенальти сериясы арқылы «Елімайдан» басым түсті. Кубокпен қатар, Григорий Бабаянның шәкірттері 90 миллион теңге сыйақы алса, «Жеңіс» клубы 50 миллион теңгеге иелік етті.
«Астана» клубын топ жаруымен құттықтаймыз. Бұл қомақты жүлде қоры мен керемет кубогы бар қызықты турнир болды. Жаңа турнир арқылы отандық футболды одан әрі жандандырдық деген сенімдемін. Барлық қатысушылар форматты бағалай алды және алдағы уақытта турнирге деген қызығушылық артады деп үміттенемін. Барлықтарыңызды маусымның аяқталуымен құттықтаймын», - деді 1XBET компаниясының Маркетинг департаменті басшысының орынбасары Санжар Тоқтасын.
Айта кетейік, 1ХВЕТ QFL Лига кубогын еліміздің ең мықты 16 клубы қатысып, бәсеке 25 мамыр мен 23 қараша аралығында жалғасты. Турнирдің жүлде қоры рекордтық 1 миллион долларды құрады, ал басты серіктесі - 1XBET компаниясы.
Qazaqstan Football League «Астана» клубын жеңісімен құттықтап, табыс тілейді!
Басқа жаңалықтар
