Қадыров кубогінің соңғы ойынында «Ордабасы» Риганың «Даугава» клубынан жеңілді

Өз ойындарының барлығында да жеңіліп қалған «Ордабасы» "А" тобында соңғы орыннан көтеріле алмай, турнирмен қош айтысты. Ал Грозныйдың "Терегін" 1:0 есебімен тізе бүктірген Румынияның "Рапиді" осы топта бірінші орынға ие болды.
Нәтижесінде бұл топтан финалға румындар жолдама алды. Енді "Рапид" 3 ақпанда "В" тобының жеңімпазы Харьковтың "Металлист" клубымен кездеседі. Турнир жеңімпазы 100 мың еуроға ие болса, күміс жүлдегерге 70 мың еуро бұйырады. Ал үшінші орынға өз топтарында екінші орындарды иемденген "Терек" пен Бакудің "Нефтчи" командасы таласады.


newskaz.ru