Анатолий Беляй: «Орал аймақтағы балалар-жасөспірімдер футболын дамытуға құлшынып тұр!»

 

- Бірінші рет Оралға осы жылдың сәуір айында келгенбіз. ҚФФ спорт директорының орынбасары Қанат Мұсатаевпен бірге орталықта жұмыс істейтін балалар бапкерлерін іріктедік. Үздіктерін таңдап алдық. Қазіргі кезде Оралдағы футбол орталығы шәкірттері жөнінен Қазақстанда екінгші орында. Барлығы 383 бала жаттығады. Бапкерлерге арнап арнайы семинарларды да өткіздік. Орталықтағы балалар командаларының өз жейделері де бар. Бұл футболшыларды кішкентайынан тәртіпке үйретеді. Рас, жазда аздап қаржы тапшылығын көрдік. Бірақ бәрі сәтті аяқталды. Қазір жеткіншектер бастан-аяқ мұнтаздай киінген. Жаттықтырушылар тобының жетекшісі Виктор Кабловпен хабарласып тұрамыз. Бапкерлердің барлығы өздеріне берілген бағдарлама бойынша жұмыс істеп жатыр. Әлбетте, бпастапқыда бағдарламаны игеруде аздап қиындықтар болған. Дегенмен, бәрі де жылдам алып кетті. Жұмыстарының нәтижелері көрініп жатыр. Айтпақщы, айта кетейін, бапкерлер қолдарына таза 150 мың теңгеден алады.  Байқағаным, оралдық балалар футболды өте қатты жақсы көреді екен. Әр жаттығудан ләззат алатындары көрініп тұр. Бұл да бағдарламамыздың бір тармағы. Балалар футболдан ләззат алулары тиіс.

 

- Қанат Мұсатаевпен бірге үміткерлерді әртүрлі методикалар бойынша тестілеуден өткізіп, олардың балалармен жұмыс істеуге қаншалықты дайын екендіктерін тексердік. Өйткені, бұл үлкен жауапкершілік. Сосын олардың педогогтық қабілеттерін байқадық. Сөйтіп, отыздан астам маманның 11-ін таңдап алдық қой. Олардың жастары да әркелкі. Бұл да бағдарламаның элементтерінің бірі.

 

- Атқарылған жұмыстардың нәтижелерін көріп отырмын. Демек, балалар теориялық және практикалық білімдерді бойларына сіңіріп жатыр деп есептеймін. Бүгінгі балалар өте ақылды. Олар футболдың тек жүгіруден ғана емес, ойлаудан да тұратынын жақсы біледі. Жасыл алаңда не істеу керек екенін алдын ала есептеп тұрады.

 

- Балалар әрқашан үздіктерге ұқсағысы келеді. Бұл заңды құбылыс. Біздегі жеткіншектер де Оралддан шыққан өрендерді жақсы біледі. Олар да Жұмасқалиевтің шыңына шыққысы келеді. Ол үшін тынбай еңбектену керек екенін де жақсы түсінеді. Ал біз өз тарапымыздан оларға еуропалық білімді береміз.

 

- Балалар бапкерлерінің проблемасы көптеген елдерде бар. Ұзақ жылдар Украинада жұмыс істегенмін. Ол жақта да осы проблема. Егер жаттықтырушы баланы футбол ойнауға үйрете алмаса, онда бірінші кезекте өзі кінәлі. Өйткені, әр бала өзінше дарынды. Тек, сол дарынын тап баса білуі тиіс. Мәселен, бір балалар болады, музыкаға бейім, біреулері боксқа, гимнастикаға дегендей. Сондықтан, футболға онша бейімі жоқ, басқа спортқа құлшынып тұрғанын байқаса, дереу соны жеткізіп, аяқдопта құр босқа уақытын өлтірмеуі үшін оның жаңа қабілетін аша білгені маңызды. Ол үшін баланың ата-анасымен сөйлесіп, баланың өмірдегі өз орнын айқындап беруге тырысуы керек. Осы орайда, Оралдағы бапкерлер дұрыс бағытта деп ойлаймын. Біздің жаттықтырушылар әрдайым білімдерін жетілдіріп, балалармен қоса өздері де шыңдалады.

 

- Салынып қойды. Ұзындығы 36 метр, ені 18 метр болатын балаларға арналған футбол алаңдары. Ол жақта барлығы да болады. Жуынатын орын, киім алмастыратын орындарының барлығы да кең. Жалпы, "Ақжайық" балалар үшін барлық жағдайды жасап жатыр. мәселен, "Ақжайықтың" негізгі құрамы қандай форма кисе, футбол орталығындағы тәлімгерлер де сондай біркелкі формада. Бұл балалар да бас командаға қатысы бар екендіктерін сезінулері үшін жасалған. Ойын жейдесіне бөлек, "Ақжайықтың" командасы секілді парадтық костюмдері де бар. Мәселен, турнирлерге қатысар болса, киіп барады да, ерекшеленіп тұрады. Осындай жағдайлар жасап отырғаны үшін клуб директоры Ерік Кенжебаевқа айтар алғысым мол. Жас та болса, өте білікті, жан-жағына нұр шашып жүретін басшы екен. Осындай жандардың арқасында Оралда балалар-жасөспірімдер футболы керемет қарқынмен дамып жатыр!

 

- Қазір-ақ Бірінші лигада өнер көрсетуге дайын жігіттер бар. Нақты айтсақ, 1996 жылғы жеткіншектер арасында дарындар көп. Өз жастарының арасында жақында Қазақстан біріншілігін жеңіп алды бұл балалар. Ойындары да өрнекті. Қорғаныс пен шабуылды керемет байланыстырған. Қапталдағы ойыншылары да қарымды. Шыны керек, біз олардың алдарына ел чемпионатында жеңіске жету туралы тапсырма қоймағанбыз. Жігерліктерінің арқасында жеңіске жетті.

 

- Ең бастысы шыдамдылық тілеймін. Себебі, футбол өте көп еңбекті қажет ететін спорт түрі. Болашақта Қазақстан футбол федерациясының осы бағдарламасы өз нәтижесін беріп, елімізде әлемдік деңгейдегі футболшылар өсіп шығады деп үміттенемін!