Ғани Қайназаров «Қайрат» клубына чемпиондық тондоны табыстады

Бүгін Алматы қаласында OLIMPBET QFL Премьер-лигасының 2024 жылғы маусымының жеңімпазын марапаттау рәсімі өтті. Qazaqstan Football League президенті Ғани Қайназаров «Қайрат» клубына чемпиондық тондо пен алтын медальдарды табыстады. Мерекелік шара алматылық команданың мүшелері мен жанкүйерлерінің қатысуымен өтті.

«Сары-қаралар» кеше шешуші 26-шы турда сырт алаңда «Атырауды» 0:1 есебімен жеңіп, төртінші рет чемпиондық атаққа қол жеткізді. Клуб маусым қорытындысы бойынша, 47 ұпай жинап, 14 рет жеңіске жетіп, қарсылас қақпасына 39 доп соқты. Алтын медальдың арқасында ұжым келесі маусымда OLIMPBET QFL Қазақстан Суперкубогы мен УЕФА Чемпиондар лигасының іріктеу кезеңінде өнер көрсетеді.

«Өзінің 70 жылдығына орай, алматылық клуб Республиканың төрт дүркін чемпионы атанды. Шын жүректен клуб басшылығы, қызметкерлері, бапкерлік штаб, ойыншылар мен жанкүйерлерді айтулы мерекемен құттықтаймын. «Қайрат» клубына табыс және жаңа жетістіктер тілеймін», - деді Qazaqstan Football League президенті Ғани Қайназаров.

Айта кетейік, OLIMPBET QFL Премьер-лигасы 1 наурыз бен 10 қараша аралығында жалғасты.