«Астананың» сенімді жеңісі

Есеп бірінші таймның соңына таман ашылып, Сергей Остапенко қазақстандықтарды алға шығарды. 62-минутта ойынға жаңа қосылған Дамир Кояшевич есепті еселеді. Алайда, таблодағы көрсеткішті қысқарту үшін венгрлерге екі-ақ минут жеткілікті болды. Англияның "Лестер" командасының экс-шабуылшысы Марко Футакс қарсыластарға үміт сыйлаған. Сөйтіп, «Диошдьёр» футболшылары есепті теңестіру үшін алға лап қойды. Соны күтіп жүрген "астаналықтар" 90-минутта тағы бір гол соғып, Сисероның тура соққысының арқасында есепті 3:1-ге жеткізді.

«Астана»құрамы: Логиновский, Пикалкин, Аничич, Дмитренко, Шомко, Жуков, Бейсебеков, Шахметов (К), Кетевоама, Нөсербаев, Остапенко. Екінші таймда алаңға шыққандар: Эрич, Сисеро, Мұжықов, Ахметов, Кояшевич, Горячий, Смағұлов.

fca.kz