Қазақстан Кәсіпқой футбол лигасы Азамат Айтқожинді құттықтайды
Қазақстан Кәсіпқой футбол лигасы, Лига мүшелері – футбол клубтары Қазақстан Кәсіпқой футбол лигасының Құрметті қайраткері, Қазақстан футбол федерациясының Бас хатшысы Азамат Айтқожинді туған күнімен құттықтайды!
Азамат Серікұлының ел футболын дамытуға қосып жатқан үлесін жоғары бағалаймыз. Азамат Серікұлы өз карьерасында футболды кеңінен насихаттау бағытында көп еңбек атқарды. Федерация мен Лиганың кәсіби ұйым ретінде қалыптасуына атсалысты. Сонымен қатар, «Fair play» ережесі бойынша әділетті ойынның дамуын қолдады.
Біз бүгін туған күн иесіне денсаулық, табыс және спортты дамыту бағытында таусылмайтын күш-қуат тілейміз. Алға қойылған барлық мақсаттар орындалып, бәріміз бірге қазақстандық футболдың үлкен жеңістеріне қол жеткізетінімізге сенеміз.
