15 ақпан 2019 17:55
Қазақстан Кубогының іріктеу кезеңінің жеребе тарту рәсімі
15 ақпан 2019 17:55
18 ақпан күні Астанада 2019 жылғы маусымдағы Қазақстан Кубогының іріктеу кезеңінің жеребе тарту рәсімі өтеді.
Тікелей эфир ПФЛК-ТВ жобасында көрсетіледі. Көрсетілім елорда уақытымен 15:00-де басталады.
Алғашқы іріктеу кезеңіне Бірінші лиганың сегіз клубы қатысады - «Академия Оңтүстік», «Ақжайық», «Алтай», «Каспий», «Қызыл-Жар СК», «Қыран», «Мақтарал» және «Екібастұз», Екінші лиганың төрт командасы – «Ақсу», «Арыс», «Рузаевка» және СДЮСШОР №8 (Астана), сонымен қатар, екі әуесқой ұжым – «Игілік» (Қаратау) және «Дидар Сыдықбек футбол орталығы» (Астана).
Жеребе қорытындысы бойынша төрт топ жасақталады. Топ жеңімпаздары келесі кезеңге өтеді. Ел кубогының 1/8 айналымында Премьер-лига клубтары қосылады.
2019 жылғы маусымдағы Қазақстан Кубогының іріктеу кезеңінің ойындары 19-27 наурыз күндері Шымкент қаласы және Түркістан облысының алаңдарында өтеді.
Басқа жаңалықтар
