Қазақстан құрамасы Андорраны ірі есеппен ұтты

УЕФА Ұлттар лигасының топтық кезеңіндегі төртінші турда Қазақстан құрамасы өз алаңында Андорраны қабылдап, 4:0 есебімен ойсырата ұтты.

Стадионға жиналған жанкүйерлердің қуанышына орай Қазақстан құрамасы қарсыласқа ешқандай мүмкіндік қалдырмай, ойын үстемдігін алғашқы минуттан бастап толық қолға алды. Станимир Стоилов шәкірттері жылдам қимылдап, әртүрлі комбинациялар ұйымдастырды. Жарқын жеңіс жас өрен Еркебұлан Сейдахметтің соққан голынан басталды. Жиырма минуттан кейін оның пасынан кейін шабуышы Бауыржан Тұрысбек теңбіл допты қарсыластың қақпасына тура бағыттады.

Екінші таймда Қазақстан құрамасы Бауыржан Исламхан және Роман Муртазаевтың арқасында есепті 4:0-ге жеткізді. Қазақстан құрамасы құрлықтың жаңа турнирінде алғашқы жеңісіне қол жеткізді.

Қазақстан кәсіпқой футбол лигасы отандық клубтардың атынан барша қазақстандық жанкүйерлерді ұлттық құраманың тамаша жеңісімен құттықтай отыра, алдағы кездесулерде сәттілік тілейді!

Қазақстан – Андорра 4:0 (2:0)

Голдар: Сейдахмет 21 (1:0), Тұрысбек 39 (2:0), Гомес (АГ) 61 (3:0), Муртазаев 74 (4:0)

Алаңнан қуылған футболшы: Алаэс 64

Қазақстан: Эрич (қ), Сүйімбаев (Вороговский 82), Логвиненко, Постников, Бейсебеков, Исламхан (к), Мужиков, Жуков, Сейдахмет (Федин 77), Зайнутдинов (Муртазаев 70), Тұрысбек

16 қазан. Астана. «Астана Арена».