Қазақстандық делегация «Study Group Scheme» семинарына қатысты

09 сәуір 2012 15:42

«SGS» UEFA — жаттықтырушыларды, әкімшілерді, медициналық және педагогикалық қызметкерлерді оқытудың жаңа халықаралық бағдарламасы. Мақсаты — ұлттық федерациялардың өзара тәжірибе алмасуына ықпалдастық жасау.

Сонымен, семинарға Қазақстан атынан қатысқандар:
1. Адамбеков Е.Қ. – «SGS» бағдарламасының Қазақстандағы жауаптысы.
2. Бадагов В.К. - Бұқаралық футбол бөлімінің жетекшісі.
3. Мецгер И.Б. – Әйелдер футболы жөніндегі менеджер.
4. Сарыбаев К. - Тараз
5. Кельжанов А. - Ақтау
6. Тугушев А. - Ақжайық
7. Бельский А. - Тараз
8. Кенетаев С. - Астана
9. Коновалов В. - Астана
10. Ахметова Э. - Каз ҰПУ
11. Джалилова З. - аудармашы

Қазақстаннан бөлек, семинарға Эстония және Словенияның да өкілдері қатысты. Алғы сөзді Білім беру департаментінің директоры Пини Калнан айтып, бәріне де сәттілік тіледі. Одан кейін сөз кезегі УЕФА Атқару комитетінің мүшесі Мордечай Шпиглер мен УЕФА Бұқаралық футболының елшісі Пер Равн Омдалға тиді..
Бұдан кейін ұлттық федерациялар топтарының жетекшілері өз елдеріндегі бұқаралық футболдың жайы туралы баяндама жасады. Қазақстан атынан баяндаманы ағылшын тілінде ҚФФ Техникалық орталығының маманы Е.Қ. Адамбеков жасады.
Екінші күні "Бұқаралық футболдың маңыздылығы" тақырыбында өз презентациясын УЕФА Атқару комитетінің мүшесі, УЕФА Бұқаралық футболының елшісі Пер Равн Омдал таныстырды. Калифорния Университетінің прфессоры Майкл Лейтер «Этникалық азшылықты біріктірудегі футболдың маңыздылығы" тақырыбында дәріс оқыды. Сондай-ақ, Вингейт институтының жанындағы Зинман дене шынықтыру және спорттық ғылым колледжінің профессоры де "Жас спортшылардың дамуы" тақырыбында керемет баяндамасын жасады.
Екінші күннің екінші жартысында үш елдің өкілдерін «Кирьят Шалом» футбол орталығына әкелді. Мұнда бізді "Маккаби" (Тель Авив) футбол клубының әкімшілік және бапкерлік жұмыстарымен таныстырып, жаттықтырушылардың жас футболшылармен жұмыс жасау барысын көрсетті.
Үшінші күні Айелет Катц ханым "Ата-аналар, жаттықтырушылар және балалар" тақырыбында керемет дәріс оқып, біраз жаңашылдықтарын жеткізді.
Одан кейін "Медиа футбол" тақырыбында да презентация жасалды. Бұл презентацияның өзгелерден өзгешеліктері көп болды. Өйткені, мұнда бұқаралық футболды БАҚ көмегімен дамытудың жолдары қарастырылған еді.
Түстен кейін семинарға қатысушылар Израиль футбол федерациясының жаңадан салынып жатқан жаттықтыру орталығына шақыртылды. Бұл жаттықтыру орталығының құрылысы HatTrick бағдарламасының көмегімен жүзеге асып жатқанға ұқсайды. Жақын уақытта УЕФА президенті Мишель Платинидің өзі арнайы келіп орталықтың лентасын қимақ.
Израильге сапар барысында ұйымдастырушылар Иерусалим қаласына да қыдыртып, ескі шахардың көрнекті орындарын көрсетті. Кешкісін барлық делегаттар ұйымдастырушылар тарабына алғыстарын жаудырып, ертесі күні бәрі де елдеріне қайтты.

Жалпы семинар өте жоғары деңгейде, жоспарланған кесте бойынша өтті.