Қазақстандық клубтар УЕФА Конференциялар лигасының плей-офф кезеңіндегі алғашқы ойындарын өткізді
19 тамызда қазақстандық екі клуб УЕФА Конференциялар лигасының плей-офф кезеңіндегі алғашқы ойындарын өткізді.
Қазақстанның кәсіби футбол лигасы «Қайрат» футбол клубын құттықтайды. Алматылық команда кездесу барысында 0:1 есебімен жеңіліп жатып, Люксембургтің қазіргі чемпионы «Фола» Эшті 4:1 есебімен сенімді жеңді.
«Шахтер» «Астана Арена» алаңында Израильдің бірнеше дүркін чемпионы «Маккабиге» (Тель-Авив) қарсы ойнап, 1:2 есебімен жеңіліп қалды. Осы маусымда біз қарағандылықтардың «Стяуамен» болған жекпе-жекте жауынгерлік рух көрсетіп, екі ойын қорытындысы бойынша келесі кезеңге өткеніне куә болған едік.
Кәсіби футбол лигасы екі командаға да жауапты кездесулеріне үлкен дайындықпен келіп, аталмыш ойындарда сәтті ойын өрнегін көрсетуін тілейді. Біздің командалар нәтижеге қол жеткізе алатын лайықты футбол көрсетіп, қазақстандық жанкүйерлерді қуантатынына сенімдіміз.
