Бақдәулет Зульфикаров - Екінші лиганың Оңтүстік-Батыс конференциясының үздік ойыншысы!

Қазақстан кәсіпқой футбол лигасы 2022 жылдың мамыр айының қорытындысы бойынша Екінші лиганың Оңтүстік-Батыс конференциясының үздік ойыншысын анықтау мақсатында командалардың бас бапкерлері мен капитандары арасында сауалнама өткізді.

Дәстүрлі сауалнаманың қорытындысы бойынша Оңтүстік-Батыс конференциясында «Тұран» жастар командасының шабуылшысы Бақдәулет Зульфикаров топ жарды. Ойыншы 24 ұпай жинады.

Екінші орынды 12 ұпаймен «Ақтөбе» жастар командасының жартылай қорғаушысы Диас Андырмаш иеленді, ал үздік үштікті «Арыс» командасының ойыншысы Ерік Жарылқасын (8 ұпай)  тұйықтады.