Бірінші лиганың 2 турының символикалық құрамасы

12 сәуір 2018 18:28

Қазақстан кәсіпқой футбол лигасы сіздің назарларыңызға 2018 жылғы маусымның Бірінші лиганың екінші турының символикалық құрамасын ұсынамыз.

Құрама ҚКФЛ серіктесі InStat компаниясының ойындарды сараптау көрсеткіштерінің негізінде құрылған.

Үздіктердің тізімі келесідей:

Қақпашы: Талғат Қаленов, «Қыран»;

27 жасар қақпашы «Алтаймен» болған ойында өзінің қақпасына гол соқтырмады. Қаленов өз командасының қорғанысын жақсы басқарды және қақпадан шығу жағынан өзін көрсете білді – 5 мүмкіндіктің 5 сәтті. Ойын индексі – 212.

Оң жақ қорғаушы: Мадияр Нұралы, «Тараз»;

Турдың үздік оң жақ қорғаушысы Нұралы атанды. Ол 93% дәлдікпен пас жасап, 4 рет қарсыласты доптан айырды және 11 рет допты тоқтатты. Мадиярдың пасынан кейін Шипицин гол соқты. Ойын индексі – 204.

Орталық қорғаушылар: Илья Воротников, «Тараз»; Әлібек Қасым, «Қайрат А»;

Қорғаныстың тәжірибелі ойыншысы «Каспиймен» өткен ойында өз командасына көмектесіп, үш ұпайға ие болды. Ойыншы пас жасаудан аз қателік жіберді – дәлдік 83%, жоғарыдағы жекпе-жектердің барлығын жеңді (100% көрсеткіш). Ойын индексі – 217.

«Қайрат А» командасының капитаны Әлібек Қасым «Ақтөбе-Жаспен» болған кездесуде барын салып ойнады. Өз өз зоналарындағы барлық жекпе-жектерді (100% көрсеткіш) жеңді, баспен жақсы ойнап, 10 мүмкіндіктің 9 қарсыластан басым түсті. Ойын индексі – 211.

Сол жақ қорғаушы: Сағадат Тұрсынбай, «Тараз»;

Шымкент футболының түлегі Сағадат Тұрсынбай ақтаулық командамен болған матчта жақсы футбол көрсетті. 19 жасар қорғаушы барлық таластарды жеңіп, жекпе-жектерде өзін тамаша көрсетті. Сонымен қатар ол 3 рет қарсыласты доптан айырды, 6 рет допты тоқтатты және 8 рет қараусыз қалған допқа ие болды. Ең бастысы – Тұрсынбай жеңіс добын соғып, өзінің жаңа командасына жеңіс сыйлады. Ойын индексі – 239.

Оң жақ жартылай қорғаушы: Никита Баженов, «Оқжетпес»;

Ресейлік ойыншы «Мақтаралмен» өткен кездесуде өз командасының көшбасшысы атанды. Баженов 2 маңызды пас жасап, шабуылдағы ойынды шиеленістіруге тырысты. Және ол 50% таластарды жеңді, 10 рет қараусыз қалған доптарды иеленді. Ойын индексі –193.

Орталық жартылай қорғаушылар: Айбол Әбікен, «Қайрат А»; Бекзат Бейсенов, «Тараз»;

Әбікен ойын Индексі бойынша екінші турдың үздік ойыншысы атанды – 249. Бұл тектен емес, себебі Айбол тұрақты ойын көрсетіп, айып добынан тамаша гол соқты. Кездесу барысында ол 2 рет допты тартып алды, 3 рет қарсылас пастарын тоқтатты және 2 рет қараусыз қалған допты бірінші болып иеленді.

Өткен турда Премьер-лигада ойын тәжірибесі бар тағы бір ойыншы өзін көрсете алды. Бекзат - «Тараз» командасының орталық шебінің сенімді ойыншысы. Ойыншы статистикасы үлгі аларлық: 62% жекпе-жекте жеңіске жетті, 9 рет допты тартып алды, 15 рет қараусыз қалған допты бірінші болып иеленді және 4 рет қарсылас пасын тоқтата білді. Ойын индексі – 234.

Сол жақ жартылай қорғаушы: Мұхит Жақсылык, «Оқжетпес»;

Біздің символикалық құрамаға тағы бір жас футболшы кірді. Көкшетаулық команданың хавбегі Жақсылық сол жақ шептегі белсенді ойынымен есте қалды. Мұхиттың әрекеттерінен кейін қарсылас айып алаңында қауіпті сәттері жиі туындап тұрды. Ойыншы 4 рет қарсыласты сәтті алдай білді, 4 рет допты тартып алды және 2 маңызды пас жасады. Ойын индексі – 215.

Шабуылдаушы жартылай қорғаушы: Евгений Шипицин, «Тараз»;

«Тараздың» ресейлік легионері бұл турда гол соғу арқылы көзге түсті. Сонымен қатар ойыншы 3 рет қарсыласты доптан айырды және 3 рет қарсылас пастарын тоқтатты. Жаңа позицияда ол өзін жақсы көрсете алды. Ойын индексі – 224.

Шабуылшы: Әлібек Бөлешев, «Оқжетпес»;

Тәжірибелі шабуылшы алдыңғы шепте ойынды шиеленістіру жағынан «Оқжетпестің» ең белсенді мүшесі болды. Бөлешев «Мақтарал» қақпасына 2 рет соққы бағыттады, ойын кезінде бір маңызды пас жасады және допты аз жоғалтты - пас дәлдігі - 81%. Ойын индексі – 201.