Бірінші лиганың 20-турының үздіктер құрамасы
Қазақстан Кәсіпқой футбол лигасы Бірінші лига командалары арасында Қазақстан Республикасының Біріншілігінің жиырмасыншы турының үздіктер құрамасын назарларыңызға ұсынады:
Құрама ҚКФЛ серіктесі InStat компаниясының ойындарды сараптау көрсеткіштерінің негізінде құрылған.
Үздік он бір ойыншының тізімі келесідей:
Қақпашы: Жандар Жанғалиев, «Мақтарал»
«Каспиймен» өткен кездесуде сенімді ойнағандардың бірі - Жандар Жанғалиев. 19 жастағы қақпашы қарсыластың төрт соққысын тойтарып, бір сейв жасады. Ойын индексі – 242.
Сол жақ қорғаушы: Ерболат Рүстемов, «Байқоңыр»
«Қайрат А» командасына қарсы тұрған Ерболат Рүстемов қорғаныста жинақы ойнап, шабуылға қымсынбай араласты. Сол шабуылдардың бірі нәтижелі пасқа айналды. Ойын индексі – 230.
Орталық қорғаушылар: Қанат Әшірбай, «Қыран»; Берік Айтбаев, «Тараз»
«Екібастұзбен» болған ойында «Қыран» қорғаушысы қорғаныста мінсіз ойнады. Орталық қорғаушының кездесуден соң көрсеткіші өте жоғары болды. Допқа талас көрсеткіші – 79 пайыз. Пастарының дәлдігі – 86 пайыз. Әуедегі допқа таласта 5 рет жеңіске жетті. Ойын индексі – 246.
Берік Айтбаев «Жетісу Б» командасына қарсы жоғары деңгейде ойнап, қарсыластың шабуылшыларының жоспарын жүзеге асырмады. Допқа талас көрсеткіші – 77 пайыз. Пастарының дәлдігі – 88 пайыз. Ойын индексі – 226.
Оң жақ қорғаушы: Виктор Крюков, «Оқжетпес»
Ақтөбеде өткен ойында Виктор Крюков көп еңбек атқарды. Қарсыластың оң қапталмен шабуыл ұйымдастыруына жол бермеді. Нәтижелі пастың авторы атанды. Қараусыз қалған 10 допқа иелік етті. Ойын индексі – 267.
Орталық қорғаушы: Константин Заречный, «Алтай»
«Шахтер-Болат» командасымен болған кездесуде Константин Заречный орталық алаңда көп еңбек атқарды. Өз командасының шабуылын қолдап, қарсыластың жоспарын бұзып отырды. Пастарының дәлдігі – 83 пайыз. Гол және нәтижелі пастың авторы. Ойын индексі – 262.
Сол жақ жартылай қорғаушы: Сергей Дудкин, «Алтай»
Үзілістен кейін ойынға араласқан Сергей Дудкин «Алтайдың» ойынына өзгеріс енгізді. Ресейлік футболшы екі гол соғып, командасына жеңісті алып берді. Пас беруде де қателеспеді – 88 пайыз. Ойын индексі – 262.
Оң жақ қорғаушы: Руслан Сақалбаев, «Оқжетпес»
Руслан Сақалбаев керемет ойын көрсетіп, оң қаптал арқылы «Ақтөбе-Жас» қорғаушыларының мазасын алды. Кездесуде орталық алаңнан әдемі пас алып, қақпаны тура көздеді. Жартылай қорғаушы қарсыластарын үш рет алдып өтіп, пастарының дәлдігін 91 пайызға жеткізді. Ойын индексі – 227.
Шабуылдаушы жартылай қорғаушы: Самат Балымбетов, «Байқоңыр»
«Қайрат А» командасымен өткен тең ойында Самат Балымбетов ойынды бір сәтке де тоқтатпай, ойынды шиеленістіре түсті. Алғашқы голдың соғылуына көмектесті. Үш рет сәтті дриблинг қолданды. Төрт рет айып алаңына қауіпті пас шығарды. Пастарының дәлдігі де жоғары – 87 пайыз. Ойын индексі – 243.
Шабуылшылар: Самат Сәрсенов, «Қайрат А»; Шоқан Абзалов, «Байқоңыр»
Самат Сәрсенов «Байқоңыр» қорғанысының мазасын алды. Шабуылшы әр допқа таласып, бес рет сәтті дриблинг қолданды. Пастарының дәлдігі – 80 пайыз. Нәтижелі пастың авторы атанды. Ойын индексі – 245.
Шоқан Абзалов ойын бойы алматылықтардың қақпасына қауіп төндірді. Оның бір соққысы голға айналды. Шабуылшы әуедегі допқа таластың 11-де жеңісе жетті. Пастарының дәлдігі – 87 пайыз. Ойын индексі – 246.
