Бірінші лиганың он алтыншы турының үздіктер құрамасы
Қазақстан Кәсіпқой футбол лигасы Бірінші лига командалары арасында Қазақстан Республикасының Біріншілігінің он алтыншы турының үздіктер құрамасын назарларыңызға ұсынады:
Құрама ҚКФЛ серіктесі InStat компаниясының ойындарды сараптау көрсеткіштерінің негізінде құрылған.
Үздік он бір ойыншының тізімі келесідей:
Қақпашы: Дмитрий Колбунцов, «Жетісу Б»
«Жетісу Б» команадсы өз алаңында «Қайрат А» футболшыларын 4:0 есебімен ойсырата ұтты. Алайда, қарсыластар Дмитрий Колбунцов қорғаған жетісулықтардың қақпасына бірнеше рет қауіп төндірді. Қақпашы жеті соққыны қайтарып, үш рет сейв жасады. Ойын индексі – 245.
Сол жақ қорғаушы: Нияз Ыдырысов, «Оқжетпес»
«Екібастұзбен» ойында 18 жастағы Нияз Ыдырысов жақсы қорғанды. Қорғаушының допқа талас көрсеткіші – 87 пайыз. Пастарының дәлдігі – 85 пайыз. Ойын индексі – 234.
Орталық қорғаушылар: Әнуар Омашев, «Алтай»; Дилшат Мұсаев, «Алтай»
«Каспиймен» өткен кездесуде «Алтай» қорғаушысы үлгілі ойын көрсетті. Әнуар Омашев допқа таластың 84 пайызында жеңіске жетті. Пастарының дәлдігі – 90 пайыз. Ойын индексі – 248.
Дәл сол ойында белсенді ойнаған Дилшат Мұсаев қараусыз қалдырған доптарға жиі иелік етті. Қорғаушының пастарының дәлдігі 82 пайызды құрады. Ойын индексі – 237.
Оң жақ қорғаушы: Фархадбек Ирисметов, «Алтай»
«Алтай» капитаны шабуылға жиі араласып, қарсыластың қорғанысын мазалады. Ол екі рет шабуылға араласып, ақтаулықтардың қақпасына го соғуға көмектесті. Пастарының дәлдігі – 77 пайыз. Ойын индексі – 258.
Орталық жартылай қорғаушылар: Евгений Левин, «Қыран»
«Мақтааралмен» болған кездесуде Евгений Левин жақсы қырынан танылды. Ол орталық алаңда команданың ойын теңдігін сақтап отырды. Алғашқы пасымен шабуылды жиі бастап отырды. Ойын индексі – 264.
Сол жақ жартылай қорғаушы: Асхат Балтабеков, «Жетісу Б»
Талдықорғандықтардың капитаны жеңіске көп үлес қосты. Асхат Балтабеков алғашқы екі голдың соғылуына көмектесті. Сонымен қатар, қарсыластарын бес рет алдап өтіп, пастарының дәлдігін 79 пайызға жеткіздік. Ойын индексі – 281.
Оң жақ жартылай қорғаушы: Думан Тұрсынбай, «Тараз»
«Тараздың» ойыншыларының ішінде ең көзге түскен футболшылардың бірі Думан Тұрсынбай болды. Оның голы қарсыластан ұпайды тартып алуға көмектесті. Жартылай қорғаушының шешуші пастарының саны – 4. Ойын индексі – 224.
Шабуылшылар: Абылайхан Махамбетов, «Қыран»; Дәурен Қайқыбасов, «Алтай»; Вячеслав Сердюков «Алтай»
«Мақтааралмен» ойында мергендік танытқан футболшы - Абылайхан Махамбетов. Ол қарсыластың қақпасына жеті рет соққы бағыттады. Оның үшеуі тура шығып, екеуі голға айналды. Ойын индексі – 317.
«Каспийдің» қорғанысынан қаймықпаған Дәурен Қайқыбасов екі рет көзге түсті. Шабуылшының пастарының дәлдігі де өте жоғары – 89 пайыз. InStat Index бойынша турдың ең үздік нәтижесі – 351.
Шабуылда Дәурен Қайқыбасовпен қатар ойнаған Вячеслав Сердюков те дубль авторы атанып, үздік тер құрамасына енді. Ойын индексі – 349.
