22 маусым 2018 10:10
Бірінші лиганың он үшінші турының үздіктер құрамасы
22 маусым 2018 10:10
Қазақстан Кәсіпқой футбол лигасы Бірінші лига командалары арасында Қазақстан Республикасының Біріншілігінің он үшінші турының үздіктер құрамасын назарларыңызға ұсынады:
Құрама ҚКФЛ серіктесі InStat компаниясының ойындарды сараптау көрсеткіштерінің негізінде құрылған.
Үздік он бір ойыншының тізімі келесідей:
Қақпашы: Илья Сотник, «Екібастұз»
«Каспиймен» өткен кездесуде Илья Сотник қақпасына гол жібермеі, команданың жеңіске жетуіне көмектесті. Ол қақпаға төнген қауіпті төрт соққыны қайтарды. Ойын индексі – 244.
Сол жақ қорғаушы: Ескендір Қыбырай, «Қайрат А»
«Таразбен» болған ойында қорғаныста жақсы ойнап, шабуылға шығуға қысылмаған қорғаушылардың бірі - Ескендір Қыбырай. Кездесудің соңында қарсыластың қақпасын дәл көздеген футболшының ойын индексі – 228.
Орталық қорғаушылар: Азат Жұмкенов, «Каспий»; Олег Пасеченко, «Мақтаарал»
«Каспий» командасы «Екібастұзға» жеңілгенімен, қорғаушы Азат Жұмкенов қорғаныста жақсы ойын көрсетті. Оның статистикалық көрсеткеші қорғаушылардың арасында турдың үздік нәтижесі болып тіркелді. Пастарының дәлдігі – 91 пайыз. Ойын индексі – 246.
«Шахтер-Болатпен» болған ойында «Мақтаарал» сапында Олег Пасеченко сенімді ойынымен көзге түсті. Қорғаушы айып алаңына қарсыластарын жібермеді. Допқа таласу көрсеткіші 10-10. Ойын индексі – 228.
Оң жақ қорғаушы: Александр Стародубов, «Қайрат А»
Александр Стародубов ойында қорғаныс пен шабуылды қатар алып жүрді. Екі нәтижелі пастың авторы атанған футболшының ойын индексі – 228.
Сол жақ жартылай қорғаушы: Тимур Байжанов, «Тараз»
Жасыл алаңда 60 минут ойнаған Тимур Байжанов жақсы қырынан танылды. Бес рет шешуші пас шығарып, бір рет нәтижелі пастың авторы атанды. Ойын индексі – 263.
Орталық жартылай қорғаушылар: Самат Балымбетов, «Байқоңыр»; Предраг Говедарица «Тараз»
«Оқжетпеспен» өткен ойында Самат Балымбетов екі гол соғып, бір рет нәтижеліс пас шығарды. Жартылай қорғаушы өте жақсы ойын көрсетті. Ойын индексі
– 216.
Алматыда өткен кездесуде Предраг Говедарица көп жұмыс атқарып, салапы ойын көрсетті. Пастарының дәлдігі – 92 пайыз. Ойын индексі – 228.
Оң жақ жартылай қорғаушы: Ельмар Набиев, «Мақтаарал»
«Шахтер-Болатпен» болған ойында бір гол соғып, бір нәтижелі пас берген Ельмар Набиев керемет ойнады. Вингер шабуылда командаластарына өткір пас шығарумен айналысты. Үш рет қарсыласын алдап өтті. Пастарының дәлдігі – 86 пайыз. Ойын индексі – 251.
Шабуылшылар: Самат Сәрсенов, «Қайрат А»; Қуаныш Бегалин, «Мақтаарал»
Самат Сәрсенов екі ойын қатарынан дулбь авторы атанып, нәтижелі пас шығарды. «Таразбен» өткен кездесуде өз командасына көп үлес қосты. Пастарының дәлдігі – 90 пайыз. Жас шабуылшы турдың ең үздік футболшысы атанды. Ойын индексі -359.
«Шахтер-Болат» қорғаушыларын мазалаған Қуаныш Бегалин бір гол соғып, бір нәтижелі пас шығарды. Команда жеңіске жетті. Ойын индексі – 239.
.jpg)
Басқа жаңалықтар
