Дамир Кояшевич: «Бізді ауыр ойын күтіп тұр»

— Бізге тек жеңіс керек. Өйткені, маусым біз күткендей басталмады. Бірінші турда өз алаңымызда "Жетісумен" тең түсіп қалдық. Одан кейін түзде "Ордабасыны" небәрі 1:0 есебімен жеңдік. Сондықтан, жанкүйерлер мен басшыларымызға өзіміздің қарымдылығымызды дәлелдеу үшін бізге бүгін жарқын жеңіске жету керек.

 

— Қарсылас жайлы не айтасыз?
— "Қайсардың" бұған дейінгі ойындарын көрдік. Жаман команда емес. Дегенмен, біз жеңіске жету үшін бар күшімізді саламыз.

 

— "Қайсар" Премьер-лигаға енді шыққан команда. Менсінбеушілік бомай ма сіздер тараптан?
— Жоқ, қандай ойын, қандай қарсылас болмасын біз алаңға әрдайым тек жеңіс үшін шығамыз. Тек қана алға!

 

— Өзіңіз осы маусымда алдыңызға қандай мақсат қойып отырсыз?
— Жекелей мақсатым жоқ. Менде тек қана командалық мақсат. Яғни, чемпион атануымыз керек. "Астана" — өте мықты команда. Сондықтан, бізге тек қана әрдайым жеңіс керек.