ҚКФЛ және РФПЛ әріптестік байланыстарды нығайту үстінде
Ресей Лигасының президенті кездесуді жасөспірімдер құрамасы Гранаткин турнирінде алған екінші орынмен Қазақстан футбол федерацияны құттықтаудан бастады.
Диалог барысында басшылар өзара ынтымақтастықты дамыту жайлы көптеген тәсілдерді қарастырды. Олардың ішінде: ойындар өтетін стадиондарда қауіпсіздікті қамтамасыз ету, Қазақстан Премьер-Лигасының тартымдылығын арттыру, делегаттар институтының дамуы, футбол алаңдарында жарыстарды өткізуге рұқсат беру, ұлттық футбол федерациямен өзара әрекеттестік және тағы да басқалар.
Ресей Премьер-Лигасының өкілдері жиналған бай тәжірибесімен бөлісуге дайын екенін білдірді. Оған қоса, жақында бірлескен іс-шаралар өткізілетіні жайлы уағдаластық жасалып, Қазақстан футбол мамандары сол елде тағылымдама өтетіні туралы өзара келісім-шарт қабылданды.
Ресейлік әріптестер Қазақстан жерінде семинарлар және конференцияларды өткізу мүмкіндігіне оң қарайтынын мәлім етті. Жақында ҚКФЛ мен РФПЛ мүшелерінің және екі лига қызметкерлерінің арасындағы ресми жолдастық ойындар өткізілуі мүмкін.
