OLIMPBET-Қазақстан Кубогының топтық кезеңі басталады

09 шілде 2021 19:21

10-11 шілдеде OLIMPBET-Қазақстан Кубогының топтық кезеңі басталады. Турнирге барлығы 16 команда қатысады, оның ішінде 14-і OLIMPBET-Қазақстан Чемпионатының өкілдері. Сонымен қатар тізімге Бірінші лиганың өкілі «Мақтаарал» (Түркістан облысы) және Екінші лигада өнер көрсететін №8 БЖМОРСМ (Нұр-Сұлтан қаласы) кірді.

Қазақстан футболының тарихында алғаш рет бас демеуші OLIMPBET компаниясы тарапынан спорттық жетістіктері үшін жүлде қоры құрылды. Топтық кезеңге өткен барлық қатысушылар 5 миллион теңге мөлшерінде кепілдендірілген төлемдерге қол жеткізді. Жарыстың ¼ финалына шыққаны үшін әр команда тағы да 10 миллион теңгеден алады, жартылай финалға қатысушыларды да осындай көлемде жүлде күтеді. Кубок жеңімпазы қосымша 30 миллион, ал финалға шыққан команда 15 миллион теңге иеленеді.

Келісімге сәйкес, барлық жүлделерді демеуші клубтарға турнир аяқталғаннан кейін төлейді.

OLIMPBET-Қазақстан Кубогының 1-турының кестесі:

10.07.2021

18:00 «Қызыл-Жар СК» - №8 БЖМОРСМ

18:00 «Жетісу» - «Қайрат»

20: 00 «Тараз» - «Тобыл»

22: 00 «Қайсар» – «Астана»

11.07.2021

19: 00 «Ақтөбе» - «Ақжайық»

20:00 «Каспий» – «Тұран»

20:00 «Атырау» - «Мақтаарал»

21:00 «Ордабасы» – «Шахтер»