03 тамыз 2018 09:35
Олжас Абраев: Қазақстан кәсіпқой футбол лигасы «Қайратты» Еуропа Лигасының келесі кезеңіне шығуымен құттықтайды!
03 тамыз 2018 09:35
Қазақстан кәсіпқой футбол лигасының Президенті алматылық «Қайрат» пен барша қазақстандық жанкүйерлерді УЕФА Еуропа Лигасының үшінші іріктеу кезеңіне шығуымен құттықтайды:
- «Қайраттың» табысы қуаныш пен мақтаныш сезімін кернеді. Бүгін түнде әр жанкүйер «Қайрат» үшін алаңдады. Голландияда өткен қарымта кездесу тартысқа толы болды. Алматалық команданың ойыншылары жасыл алаңда жан аямай тер төгіп, УЕФА Еуропа Лигасының үшінші іріктеу кезеңіне жолдама алды.
«Қайрат» келесі кезеңде Чехияның «Сигма» командасымен кездеседі. Екі ойыннан тұратын жекпе-жек сырт алаңда басталады. Қарымта кездесуде алматылық жанкүйерлер «АЗ Алкмаармен» өткен алғашқы ойындағы қолдауды қайталайды деп үміттенемін!
Барша қазақстандық клубтардың атынан «Қайрат» футбол клубына жеңіс тілей отыра, отандық футболдың атақ-даңқын көтеруде сәттілік тілеймін!
Басқа жаңалықтар
