Отан қорғаушы күні құтты болсын!

Қазақстан Кәсіпқой футбол лигасы баршаңызды Отан қорғаушы күнімен құттықтайды! 

1992 жылдың 7 мамыры күні Қазақстан Республикасының Президенті - Жоғарғы Бас қолбасшы Нұрсұлтан Назарбаев ұлттық Қарулы күштерді құру жөнінде Жарлыққа қол қойды. Атаулы күннің елімізде саяси-қоғамдық және әлеуметтік маңызға ие екені белгілі.

Қазақстан даму жолында әрқашан елдің қорғанысын нығайтуға, заманауи және жоғары технологиялық әскер құруға ерекше назар аударды. Біздің әскери қызметкерлер кәсіби дайындықтың, үйлесімділік пен әскери білімді терең меңгерудің үлгісін көрсетіп келеді. Қарулы күштер қатарында қызмет ету - әр қазақстандықтың абыройлы борышы.

Отан қорғаушыларға денсаулық, әскери рух пен абыройлы қызмет тілейміз! Барша қазақстандықтарға амандық, қажымас қайрат, ашық аспан тілейміз!