17 шілде 2018 16:54
Премьер-лиганың 18-турының үздіктер құрамасы
17 шілде 2018 16:54
Қазақстан Кәсіпқой футбол лигасы 2018 жылғы маусымдағы Премьер-лиганың он сегізінші турындағы үздіктер құрамасын назарларыңызға ұсынады:
Құрама ҚКФЛ серіктесі InStat компаниясының ойындарды сараптау көрсеткіштерінің негізінде құрылған.
Өткен турдың қорытындысы бойынша үздік он бір ойыншының тізімі келесідей:
Қақпашы: Игорь Шацкий, «Шахтер»
«Астана» қорғаушысымен қақтығысып, жарақат алып қалғанға дейін кеншілердің қақпашысы керемет ойын көрсетті. Игорь Шацкий елордалық футболшылардың есеп ашуына мүмкіндік бермеді. Зайнутдинов, Кляйнхайслер және Перцухтың соққыларын қайтара алды. Ойын индексі – 253.
Сол жақ қорғаушы: Бактиер Зайнутдинов, «Астана»
Сол қапталдағы қорғаныста ойнаған Бактиер Зайнутдинов кермет ойын көрсетті. Ол басқа позицияда ойнағанына қарамастан, сол қапталды толықтай бақылауда ұстады. Пастарының дәлдігі – 89 пайыз. Ойын индексі – 241.
Орталық қорғаушылар: Сергей Малый, «Астана»; Темірлан Ерланов, «Ордабасы»
Ел чемпионына қарсы қарағандылықтардың гол соғатын мүмкіндігі болмады. Кеншілердің шабуылшыларын Сергей Малый қарсы алып, тоқтатып отырды. Оның пастарының дәлдігі – 95 пайыз. Ойын индексі – 274.
Павлодарда өткен ойындар Темірлан Ерлановтың шығарған дәл пастары 90 пайызды құрады. Кездесудің соңында бұрыштама добынан жеңіс голын соқты. Ойын индексі – 259.
Оң жақ қорғаушы: Абзал Бейсебеков, «Астана»
Абзал Бейсебеков қарсыластарын оң қапталдан өткізбеді. Пастарының дәлдігі – 80 пайыз. Ойын индексі – 265.
Орталық жартылай қорғаушылар: Милан Радин, «Ақтөбе»; Асхат Тағыберген «Қайсар»; Ласло Кляйнхайслер «Астана»
«Ақтөбе» өз алаңында «Атырауды» ірі есеппен ұтып, голдың түр-түрін соқты. Ақ-қызылдардың ең белсенді ойыншысы Милан Радин керемет екі гол соқты. Пастарының дәлдігі – 89 пайыз. Ойын индексі – 306.
«Тобылмен» өткен кездесуден Асхат Тағыберген қорғаныс пен шабуылды байланыстырды. Қызылордалықтардың капитаны командаластарына берген пастарының дәлдігі – 83 пайыз. Ойынның соңында пенальтиден мүлт кетпеді. Ойын индексі – 283.
«Шахтермен» болған ойында Ласло Кляйнхайслер қарсыластың барлық әрекетін оқып қойды. Ойыннан кейінгі статистикалық көрсеткіштері өте жоғары. Ласло 12 рет допқа қарсыласынан бұрын жетті. Пастарының дәлдігі – 83 пайыз. Ойын индексі – 283.
Шабуылдаушы жартылай қорғаушылар: Жамбыл Көкеев, «Ақтөбе»; Маркос Пиззелли, «Ақтөбе»
«Батыс дербиінде» жалынды ойын көрсеткен Жамбыл Көкеев мұнайшылардың қорғанысына маза бермеді. Жартылай қорғаушы бір гол соғып, екі нәтижелі пас шығарды. Шешуші пастарының саны – 4, қарсыласын алдап өту көрсеткіші – 4. Дәл пастары – 82 пайыз. Ойын индексі – 360.
«Ақтөбенің» барлық шабуылы Маркос Пиззели арқылы өтті. Армения құрамасының ойыншысы қарсыластың айып алаңында қайта-қайта қауіпті сәттерді ұйымдастырды. Ол екі рет ала допты қақпаға дарытып, екі нәтижелі пастың авторы атанды. Пастарының дәлдігі – 82 пайыз. Турдың ең үздік нәтижесі – 365.
Шабуылшы: Малик Мане, «Ақжайық»
Малик Мане бабына ене бастап, «Ақжайық» турнир кестесіне жоғарылай бастады. Өткен турда сенегалдық сұрмерген дубль авторын атанып, оралдықтарға үш ұпай алып берді. Ойын индексі – 314.
Басқа жаңалықтар
