Премьер-лиганың 22-турының үздіктер құрамасы

Қазақстан Кәсіпқой футбол лигасы 2018 жылғы маусымдағы Премьер-лиганың жиырма екінші турындағы үздіктер құрамасын назарларыңызға ұсынады:

Құрама ҚКФЛ серіктесі InStat компаниясының ойындарды сараптау көрсеткіштерінің негізінде құрылған.

Өткен турдың қорытындысы бойынша үздік он бір ойыншының тізімі келесідей:

Қақпашы: Андрей Пасеченко, «Атырау»    

«Ертіспен» болған ойында Андрей Пасеченко жақсы ойнады. Оның жұмысы көп болды. Алайда, тоқсан минут бойы тер төгіп, қақпасынан голдан құтқарып қалды. Қақпаға бағытталған алты соққына қайтарып, үш рет сейв жасады. Ойын индексі – 277.

Орталық қорғаушылар: Виктор Дмитренко, «Тобыл»; Александр Симчевич, «Актобе»; Хрвое Милишевич, «Ақтөбе»

«Жетісумен» өткен кездесуде Виктор Дмитренко қорғаныстың негізгі күшіне айналды. Оның дәл пастарының саны – 85 пайыз. 20 рет допқа бірінш болып жетіп, 11 рет қарсыластың пасын тоқтатты. Ойын индексі – 266.

Александр Симчевич нағыз бабына енді. «Қайсармен» өткен кездесуде «Ақтөбе» капитаны қарсыластың добын 10 рет тартып алды. Пас беруде де қателеспеді – 91 пайыз. Сонымен қатар, ол кездесуде есеп ашқан болатын. Ойын индексі – 257.

Хрвое Милишевич қарсыластарынан бұрын допқа жетіп, олардың ойынын оқып отырды. Хорватиялық қорғаушы қызылордалықтардың 11 пасын тоқтатып, үш рет әуедегі допқа таласта жеңіске жетті. Пастарының дәлдігі – 94 пайыз. Ойын индексі – 268.

Орталық жартылай қорғаушылар: Самат Жарынбетов, «Тобыл»; Абдуллай Диакате, «Ордабасы»

Самат Жарынбетов пайдалы жұмыс атқарып, орталық алаңды жауып тастады. Қостанайлық футболшы қараусыз қалған 10 допты иемденіп, үш рет шешуші пас шығарды. Пастарының дәлдігі – 79 пайыз. Ойын индексі – 237.

Абдуллай Диакате кезекті рет «Ордабасының» шабуылын ұйымдастыруда шешуші рөлді атқарды. Пастарының дәлдігі – 85 пайыз. Үш дриблинг. Сенегалдық ойыншы жұмысын сапалы атқарып шықты. Ойын индексі – 237.

Сол жақ жартылай қорғаушы: Ғафуржан Сүйімбаев, «Қайрат»

«Қайрат» жаттықтырушылар штабы екінші айналымның соңғы матчында ойын жүйесін өзгертті. Қызылжарда Сүйімбаев алға жылжып, сол қапталдан шабуылды бастап отырды. Қарсыластың айып алаңына бес рет пас шығарып, пастарының дәлдігін 91 пайызға жеткізді. Ойын индексі - 259.

Шабуылдаушы жартылай қорғаушылар: Бауыржан Исламхан, «Қайрат»; Аслан Дарабаев, «Тобыл»

Қызылжарда өткен ойында жанкүйерлер Бауыржан Исламханның ең үздік ойынын көрді. «Қайрат» капитаны қарсыластың қақпасына екі рет соққы бағыттап, қарсыластың айып алаңына 12 рет пас шығарды. Пастарының дәлдігі – 89 пайыз.  Кездесу соңында нәтижелі пас берді. InStat Index көрсеткіші бойынша ең үздік нәтиже – 299. Бауыржан Исламхан өткен турдың ең үздік ойыншысы.

Аслан Дарабаев шеберлігін «Жетісумен» өткен кездесуде көрсете алды. Плеймейкер үш рет сәтті дриблинг қолданды. Төмен түсіп, допқа таласты. Асланның соққан голы командағаү үш ұпай алып берді. Ойын индексі – 247.

Оң жақ жартылай қорғаушы: Бабатунде Аденидже, «Атырау»

Бабатунде Аденидже «Ертіс» қорғаушыларын жиі мазалады. Екінші таймда нигерлиялық футболшы қорғаушыны алдап өтіп, қақпашы қапы қалдырып, гол соқты. 22 жастағы футболшының дәл пастары 78 пайызды құрады. Ойын индексі – 239.

Шабуылшы: Малик Мане, «Ақжайық»

Малик Маненің еңбегі де елеусіз қалмады. Мамыр айының соңында «Ақжайық» «Астананы» жеңген болатын. Сенегалдық страйкер сол ойында гол соғып, нәтижел пас шығарды. Қарсыласн төрт рет оп-оңай алдап өтті. Ойын индексі – 259.