"Сұңқар" Түркияда үш ойын өткізді

2 ақпанда "Сұңқар" Ресей бірінші лигасында өнер көрсететін "Газовик" клубымен кездесіп, 0:1 есебімен жеңіліп қалды. 
Бұл ойында команда мына құраммен өнер көрсетті: Пасеченко, Мыңбаев, Бечери, Тонев, Андреев, Халмұратов, Цветкович, Родригес, Гони, Дорош.
Келесі ойынын 7 ақпанда өткізген қаскелеңдіктер Румыния бірінші лигасының "Отопени" клубына қарсы өткізді. Жергілікті уақытпен 11:30-да өткен бұл ойын қарсыластарымыздың пайдасына аяқталды. Есеп - 0:2. Бұл матчта мына футболшылар ойнады: Пасеченко, Седельников, Мыңбаев, Тәжмағамбетов, Бечери, Өскенбаев, Байымбетов, Шурыгин, Көкеев, Мұжықов, Дорош.
Сол күні кешкісін команда тағы бір матч өткізді. Жергілікті уақытпен кешкі сағат 17:30-да өткен бұл кездесуде жеңімпаз анықталмады. Есеп - 0:0. "Сұңқар" құрамы: Враньич, Нахушек, Никезич, Молдағалиев, Сабиров, Әмірсейітов, Шапурин, Халмұратов, Цветкович, Андреев, Адамович.
Бұл жиын 10 ақпанға дейін созылады.


Ренат Сууров
Пресс-служба ФК «Сункар»