Сәуірдегі үздіктер: QFL Екінші лиганың үздік ойыншылары мен бапкерлері анықталды

Qazaqstan Football League 2024 жылдың сәуір айындағы Екінші лиганың үздік ойыншылары мен бапкерлерін назарыңызға ұсынады. Айта кетейік, үздіктер турнирға қатысушы командалардың бапкерлері мен капитандарының дауыс беруі арқылы анықталды.

«Оңтүстік-Батыс» конференциясының сәуір айындағы үздік футболшысы ретінде AKAS клубының 37 жастағы шабуылшысы Сергей Гридин танылды. Ол 4 матчта 4 мәрте қарсылас қақпасына гол соқты. Ал үздік бапкер болып 3 кездесуде жеңілмеген «Мақтаарал» клубының жаттықтырушысы Руслан Эсатов танылды. 

«Солтүстік-Шығыс» конференциясында сәуір айының үздік футболшысы атағын «Шахтер Ж» командасының 22 жастағы шабуылшысы Шыңғыс Флюк жеңіп алды. Ол 9 гол соғып, сұрмергендер тізімінде бірінші орынға шықты. Үздік бапкер атағы Шыңғыс Флюктің жаттықтырушысы Максим Самченкоға бұйырды. 

QFL барлық номинация жеңімпаздарын құттықтап, сәттілік тілейді!