05 қараша 2018 09:40
Саят Жұмағали голы - қазан айының үздігі
05 қараша 2018 09:40
Қазақстан кәсіпқой футбол лигасы Қазақстан Чемпионатының қазан айының үздік голы авторын анықтау мақсатында жанкүйерлер арасында сауалнама өткізді.
Қазан айының үздік голы атағына үш үміткер болды. Оның екеуі «Ақтөбе» ойыншылары - Саят Жұмағали және Сильва Рейнальдо. Үшіншісі - «Астана» ойыншысы Марин Томасов.
Дауыс беру Қазақстан кәсіпқой футбол лигасының ресми сайыт мен «ВКонтакте» әлеуметтік желісіндегі @pflkaz парақшасында өтті.
Қазан айының үздік голы атағына «Ақтөбе» қорғаушысы Саят Жұмағали ие болды. Оны сауалнамаға қатысқандардың 50,3% қолдады.
Үздік үштік келесідей:
1. Саят Жұмағали голы (Ақтөбе – Астана) – 2080 дауыс;
2. Марин Томасов голы (Астана - Ордабасы) – 1089 дауыс;
3. Силва Рейнальдо голы (Ақтөбе - Қызыл-Жар СК) – 966 дауыс.
Саят Жұмағали голы маусым қорытындысы бойынша үздік голды анықтайтын сауалнамаға қатысады.
Басқа жаңалықтар
