«Шахтер» - Қазақстан-2011 чемпионы!

Қазақстан құрамасының жас форварды Сергей Хижниченконың «Астана» қақпасына салған екі голы «кеншілерге» бас титулды алып берді. «Жетісудің» еншісіне бұйырған күміс жүлде – осы маусымның ең үлкен жаңалығы. Жетісуліктер ел чемпионатының финишіне сәл кешігіп жетті, десек те, маусым талдықорғандықтар үшін өте сәтті өтті деуге болады.
Қола медальді үлкен күреспен «Ақтөбе» иеленді. Владимир Мухановтың командасы «Ордабасы» алаңында 4:2 есебімен жеңді. Бірақ «Ақтөбенің» жеңісі «Астана» Қарағандыда жеңілмегенде, ештеңені шешпес еді. «Қайрат» пен «Восток» Премьер-лигадан кетті. Алматылықтар өз алаңында «Тараздықтардан» оза алмады, есеп - 1:1.