"Шахтердің" жеңісі
Біздің бүгінгі қарсыластарымыз Польшаның өнеркәсібі дамыған Забже қаласының командасы. Аталмыш чемпионаттың Экстра-классында (жоғарғы лига) өнер көрсетеді. Бұлар Польша чемпионатында бірнеше рет топ жарған. Тарихы бай клуб.
Ойын қарағандылықтардың айқын басымдығымен өтті. Соған қарамастан матчта тек бір-ақ гол соғылды. 31-минутта Жамбыл Көкеевтің орындаған айып добын "кеншілердің" жартылай қорғаушысы Мақсат Байжнов голға айналдырды.
Бұл кездесуде «Шахтер» негізгі құрамда ойнады: Мокин, Василевич, Джидич, Порываев, Байжанов, Финонченко, Хижниченко, Көкеев, Киров, Даэниел Майкич.
Сондай-ақ, мына саңлақтар да алаңға шықты: Тарасов, Боровский, Досманбетов, Лунин, Каньяс, Хайро.
Келесі бақылау матчын қарағандылықтар 10 ақпанда Өзбекстан чемпионы "Бунедкорға" қарсы өткізеді.
