20 маусым 2021 11:30
Срджан Благоевич — OLIMPBET-Қазақстан Чемпионатының мамыр айындағы үздік бас бапкері!
20 маусым 2021 11:30
Қазақстан кәсіпқой футбол лигасы (ҚКФЛ) мамыр айының қорытындысы бойынша 2021 жылғы OLIMPBET-футболдан Қазақстан Чемпионатының үздік бас бапкерін анықтады.
Сауалнама отандық командалардың бас бапкерлерінің қатысуымен жүргізілді.
Мамыр айының үздік бас бапкері болып ақтаулық «Қаспий» командасының жаттықтырушысы Срджан Благоевич атанды. Сербиялық маман 5 ұпай жинады.
Аталмыш сауалнамада екінші орынды «Тобылдың» бас бапкері Григорий Бабаян иеленді, қостанайлық ұжымның бапкеріне өз дауыстарын 4 маман берді. Үздік үштікті «Астананың» бас бапкері Андрей Тихонов тұйықтады. Ресейлік маман 3 ұпай жинады.
Жүлдені жеңімпазға OLIMPBET-футболдан Қазақстан Чемпионатының 16-тур «Қаспий»-«Қайсар» кездесуінің алдында ҚКФЛ басшысы Олжас Абраев табыстады.
Басқа жаңалықтар
