Суперкубок қатысушыларын алаңға көп балалы және толық емес жанұяларда тұратын балалар алып шықты
Қазақстан кәсіпқой футбол лигасының шақыртуымен елордалық мектеп оқушылары 2018 жылғы Қазақстан Суперкубогының ашылу салтанатына қатысты.
Астана қаласының № 57 және № 13 мектептерінде тәлім алатын балалар жаңа маусымның алғашқы жүлдесін сарапқа салған «Астана» және «Қайрат» командаларының ойыншыларын жасыл алаңға алып шықты.
Бұл шараны жүзеге асыруға «Жан Досым» қоғамдық қоры көмектесті.
Жаңа футбол маусымының ашылу салтанатына қатысқан балалар халықаралық аренада ел намысын қорғайтын кәсіби ойыншылармен кездесуден жағымды әсерін жасырмады. Кішкентай оқушылардың қобалжуыда байқалды, себебі олар үлкен спорт шарасының басты кейіпкерілері болып бірінші рет атанды.
Бұл кездесуден ойыншыларды алаңға алып шығу әсерлерінен бөлек, балалар Қазақстан кәсіпқой футбол лигасының атынан естелік сыйлықтар алды.
