Тарихи сәт

Бүгін Португалия астанасы Лиссабонда қазақ футболында тарихи оқиға тіркеледі. Ел чемпионы «Астана» УЕФА Чемпиондар лигасының топтық кезеңінде алғашқы ойынын «Бенфикаға» қарсы өткізеді.

 

Қазақстандық клубтық футболдың тарихында жанкүйерлер кәрі құрлықтың ең беделді турнирінде алғаш рет біздің чемпионның еуропалық алпауыттармен ойынын тамашалай алады. «С» тобында «Бенфикадан» бөлек, 2013/2014 жылғы Чемпиондар лигасының финалында ойнаған мадридтік «Атлетико»  мен түріктің «Галатасарайы» бар.

 

Қазақстандық клубтың топтық кезеңге шығуын үлкен жетістік деп санауға болады. Соңғы жылдардағы клубтық футболдың дамуы УЕФА Чемпиондар лигасындағы тарихи сәтке жеткізді.

 

Іріктеу турнирінде «Астана-Арена» стадионына жанкүйерлердің лық толуы - футболға деген қызығушылықтың артуы мен «Астана» жетістіктері.  Бүгін елордалық ұжымға қолдау білдіру үшін барлық ел теледидардың алдына үңіледі.

 

Айта кету керек, негізгі командамен бірге жасөспірімдер арасындағы УЕФА Чемпиондар Лигасына қатысуға «Астана» футбол орталығының балалары мүмкіндік алды.  «Бенфика» мен  «Астана» жасөспірімдері арасындағы матч бүгін өтеді. Бұл турнирге алғаш рет «Ақтөбе» футбол клубының жасөспірім футболшылары да қатысады.

 

Қазақстан кәсіпқой футбол лигасы «Астана» футбол клубына Еуропадағ ең беделді турнирде сәтті ойын көрсетуін тілейді!

 

Құрметті футбол жанкүйерлері «Бенфика» мен «Астана» арасындағы матчты тікелей эфирде «ТАҢ» телеарнасы көрсетеді. Матч Астана уақытымен 00:45-те басталады.