Томасовтың голы – Премьер-лиганың бірінші турының үздік добы

16 наурыз 2018 14:41

Қазақстан кәсіпқой футбол лигасы (ҚКФЛ) жанкүйерлер арасында ел Чемпионатының бірінші турының үздік голын анықтады.

Футбол сүйер қауымының таңдауына 14 соғылған доптың 12 ұсынылды. Аталған сауалнамаға екі доп кірмеді – «Ақтөбе» жартылай қорғаушысы Асланбек Кәкімовтің «Қайсар» қақпасына пенальтиден соғылған голы және «Ертіс» қорғаушысы Александр Кислицыннің өз қақпасына соғылған автоголы.

Сауалнама ҚКФЛ ресми сайтында және Вконтакте әлеуметтік желісінің @pflkaz тобында жүрді.

Сауалнама нәтижесі бойынша жанкүйерлердің 39,2% «Ақжайық» қақпасына айып добынан соғылған Марин Томасовтың голына дауыс берді.

Премьер-лиганың бірінші турының үздік үш голы қатарына келесі доптар кірді:

1. Марин Томасов голы («Астана»-«Ақжайық» - 3:0) – 353 дауыс

2. Дамира Кояшевича голы («Ордабасы»-«Шахтер» - 2:1) – 130 дауыс

3. Дору Попадюка голы («Ертіс»-«Атырау» - 2:1) – 107 дауыс

Томасовтың голы «Наурыз айының үздік голы» атағына үміткер болады. Наурыз айының соңында айдың үздік голы анықталады.