06 сәуір 2018 11:06
Твумасидің голы – Премьер-лиганың үшінші турының үздігі
06 сәуір 2018 11:06
Қазақстан кәсіпқой футбол лигасы (ҚКФЛ) Премьер-лиганың үшінші турының үздік голын анықтау мақсатында жанкүйерлер арасында сауалнама жүргізді.
Өткен турда 11 доп соғылды, олардың ішінде пенальтиден соғылған бір гол және автогол кірді.
Сауалнама ҚКФЛ ресми сайтында және «Вконтакте» әлеуметтік желісінің @pflkaz тобында өткізілді.
Бес күндік сауалнаманың нәтижесі бойынша Патрик Твумасидің добы бірінші орынды иеленді. «Астананың» африкалық легионері «Қайсармен» өткен ойында баспен гол соғып, есеп ашты. Твумасидің голына 235 адам дауыс берді – бұл сауалнамаға қатысқандардың 25,1%.
Премьер-лиганың үшінші турының үздік үш голы:
1. Патрик Твумасидің голы («Астана»-«Қайсар» 2:0) – 325 дауыс
2. Исаэл Барбосаның голы («Ақтөбе»-«Қайрат» 1:1) – 200 дауыс
3. Сергей Шаффтың голы («Шахтер»-«Жетісу» 1:1) – 184 дауыс
Твумасидің добы Наурыз айының үздік голын анықтайтын сауалнамаға қатысады.
Басқа жаңалықтар
