Қуаныш Қалмұратов: «Биыл кубокты көкке көтереміз деп үміттенемін»

03 қазан 2019 18:10

23 жастағы «Атырау» командасының қорғаушысы Қуаныш Қалмұратов Қазақстан кәсіпқой футбол лигасының баспасөз қызметіне берген сұхбатында 2019 жылғы Қазақстан Кубогының финалында «Қайсармен» өтетін ойын туралы айтып берді:

- «Атырау» тағы да Қазақстан Кубогының финалы шықты. Жылдан жылға финалда жеңіске жетуге деген ынта-жігер арта түсе ме?

- Әрқашан шектен тыс мотивация болады. Әсіресе, финалда екі еселенеді. Жанкүйерлер үшін кубокты жеңіп алғымыз келеді. Олар үшінші жыл кубокты күтіп жүр.

- Биылғы маусымда жаттығу процесінде өзгеріс бар ма?

- Иә, жаттығу процесі өзгерді. Ойын жүйесі мен стандартты орындауда байқалады.

- Өткен екі жылмен салыстырғанда биыл финалға шығу қиын болды ма? Кубоктың қай ойыны есте қалды?

- Финал шыққан әр жолдың өз ерекшелігі бар. Биыл да оңай болған жоқ. Екі рет финалда есе жіберген едік. Биыл кубокты көкке көтереміз деп үміттенемін. Үшінші финал есте қалады деп ойлаймын!

- Команданың қазіргі жағдайы қалай? Кубок ұтып алуға нақты мақсат бар ма?

- Біздің команданың жағдайы өте жақсы. Бір-бірімізді үнемі қолдап жүреміз. Әр ойын – біз үшін финал!

- «Қайсармен» ойыннан не күтесіз?

- Финалға толық дайындықпен келеміз. Жеңіс үшін қолдан келгеннің бәрін жасаймыз.