Астанада «ҚазМұнайГаз» кубогына мини-футболдан қалалық балалар-жасөспірімдер спорт турнирі басталды

16 мамыр 2011 13:17

Шараны «ҚазМұнайГаз» ҰК, АҚ, Қазақстан футбол Федерациясы, Астана қаласы Білім басқармасы және «Шығыс» балалар жасөспірімдер орталығы ұйымдастырды.

Турнир Қазақстанда бұқаралық балалар спортын дамыту және балалар мен жасөспірімдер футболын көпшілікке дәріптеу аясында өткізілуде. Шараға 2000–2001 жылдары туған Астана қаласы жалпы білім беру мектептерінің 80 оқушысы қатысуда.

Турнирге қатысушыларды «ҚазМұнайГаз» ҰК, АҚ бизнесті қолдау жөніндегі басшы менеджері Серікбек Елшібеков, Қазақстан футбол Федерациясының атқарушы директоры Әлия Дүйсекеева және басқалар құттықтады.

— «ҚазМұнайГаз» ҰК, АҚ атынан командаға қатысушылар мен барлық жанкүйерлерді мини-футболдан бірінші қалалық турнирдің ашылуымен құттықтаймын. Бұл жарыстар мектеп оқушылары арасында танымал болады деген үміттемін. ҚМГ өз тарапынан турнир болашақта дәстүрлі түрде өткізіліп тұрады деген сеніммен алдағы уақытта да оны үнемі қолдауға дайын,- деп атап көрсетті Серікбек Елшібеков.

— Дене тәрбиесі мен спорт — салауатты өмір салтының негізі. Ал «ҚазМұнайГаз» ұлттық компаниясының футболдан осындай турнир өткізуі құптарлық жай. Өйткені футбол жақсы көңіл-күй сыйлап, рухыңды көтеретін бұқаралық спорт түрі. Көзге түскен ойыншылар арнайы спорт мектептерінде футболмен айналысатын болады,- деді Қазақстан футбол Федерациясының атқарушы директоры Әлия Дүйсекеева.

Биылғы жылы мұндай турнирлер ҚМГ еншілес компаниялары «ҚазТрансГаз» АҚ және «ҚазТрансОйл» АҚ қолдауымен Шымкент және Павлодар қалалары мектеп оқушыларының арасында да өткізіледі. Қалалық жарыстарда бірінші және екінші орын алған командалар республикалық финалға өтеді.

Мини-футболдан турнирлер «ҚазМұнайГаз» ҰКөп функционалды спорт алаңдарында өткізіледі. Құрылыс бағдарламасына сәйкес 2010 жылы ҚМГ және оның еншілес компаниялары 29, сонымен бірге Астана қаласында — 10, Маңғыстау облысының Жаңаөзен қаласында — 10, Шымкентте — 3, Павлодарда — 5 спорт алаңының құрылысын аяқтады.

Ағымдағы жылы Алматы қаласында 5, еліміздің басқа да аймақтарында 15 спорт алаңын салу жоспарланып отыр.

Спорт алаңының құрылысына қолданылатын материалдар мен технологиялар экологиялық, санитарлық-гигиеналық, өртке қарсы және басқа да ережелер мен талаптарға сай келеді және спорттық жамылғыны кәсіби түрде орнату көзделіп отыр. Футбол алаңындағы жасанды көгал FIFA және UEFA-да сертификатталып, аттестациялаудан өткен.

Қалалық турнирде жеңімпаз атанған және 2-ші, 3-ші орын алған командалар «ҚазМұнайГаз» кубогымен, дипломдармен, сәйкес дәрежедегі медальдар және естелік сыйлықтармен марапатталады,

Анықтама:

Мини-футболдан турнир жеңілдетілген ереже бойынша өткізіледі.

Алаңда ойыншылар саны 4×4 +1 қақпашы, «ойыннан тыс» ережесі қолданбайды.Қалалық жарыстардың бірінші кезеңінде 8 команда екі топқа бөлінеді. Әр топта «бірімен бірі» жүйесі бойынша бір айналымда ойындар өткізіледі. Өз топтарында 1-ші орын алған командалар 1-орын үшін жарысады. Өз топтарында 2-ші орын алған командалар 3-ші орын үшін жарысады.