Алматылық сериал: Алос Феррердің жеңісті шеруі жалғасар ма?

"Мұнайшылар" батысқазақстандық дербиде "Ақтөбемен" тең тарқасты. Енді "Атырауды" оралдық "Ақжайыққа" қарсы тартысты ойын күтіп тұр. "Ақжайыққа" қарсы ойындар ендігі "Жайық дербиі" деп аталады.

Вахид Масудов командасы соңғы орыннан көтерілді, енді оралдықтар жарыстан шығып қалмау амалдарын қарастырады. "Ақжайыққа" тек жеңіс керек, "Атырауда" сырт алаңда 3 ұпайға таласатыны айданда анық, себебі командалар кестеде көршілес орналасқан.

«Ақтөбе» – «Тобыл»
Өтетін орны: Ақтөбе, «Орталық» стадион, 20:00
Ауа райы: +29, күн ашық
Трансляция: ҚКФЛ ТВ

Жанкүйерлер бұрын "Ақтөбе" мен "Тобыл" ойындарында болған эмоцияларды аңсап сағынуда. Бұл командалар арасындағы кездесулерді енді Эль-классико деп сирек атайды. Ақ-қызылдарды қазір осыдан он жыл бұрын болған екі команда арасындағы қызу тартысты кездесулерді ұмытпаған Владимир Мұханов жаттықтырады.

"Ақтөбе" сапында "Тобылдың" бұрынғы капитаны Томаш Шимковичтің шығуы бұл ойынға деген қызығушылықты көтерер еді, бірақ австриялық словак ойынға қатыса алмайды. Бірақ бұл ойыншысыз да қиылысулар жетерлік. Аслан, Байтана, Савич және Зенькович бұрын қостанайлық команданың намысын қорғаған, ал Павлов, Левин, Жулпа, Щеткин және Жалмұқан "Ақтөбе" сапында ойнаған. Турнирлік кестедегі жағдайға қарамастан біздерді бітіспес қарсыластар арасындағы тамаша ойын күтуде. 

«Қайрат» – «Ордабасы»
Өтетін орны: Алматы, «Орталық» стадион, 20:00
Ауа райы: +26, күн ашық
Трансляция: Қазспорт телеарнасы

Алматылықтар маусым ортасында бас бапкерін ауыстырды. Жаңадан келген бапкердің чемпионатқа бейімделуі жақсы өткен сияқты - алты ойын қатарынан Феррер шәкірттері жеңіске жетуде.

"Қайраттың" сәтті сериясын "Ордабасы" тоқтатуға ниетті. Шымкенттіктер екінші орынға деген үміттерін әліде үзбеуде. Петрушин командасы алматылықтарды турнирлік кестеде қуып жетуді жоспарлап отырғаны анық.

Соңғы жылдары "Ордабасы" мен "Қайрат" арасындағы кездесулер тартысты өтуде. "Қайрат" шымкенттік командамен болған ойындарда қиыншылықтарға кездеседі. Мысалы, былтырғы жылғы маусымда алматылықтар "Орданы" жеңіп көрмеген. Өтіп жатқан маусымда "Қайрат" шымкенттік командамен болған ойындарда ұпай жоғалтып көрмеген.